ئەتەلەنتا 2-1 ئینتەرمەیامی
رووداو دیجیتاڵ
ئینتەرمەیامی لە دووەم یاریی پلەی ئۆفی خولی ئەمریکیدا تووشی شکست بوو، و بۆ دیاریکردنی بلیتی سەرکەوتن، یاریی سێیەم و یەکلاکەرەوە ئەنجام دەدات.
ئینتەرمەیامی کە لە یاریی یەکەمدا لە ئەتەلەنتا یونایتدی بردەوە، لە دووەم یارییدا بووە میوانی ئەو یانەیە و 1-2 پێیدۆڕا.
یانەی میوان لە خولەکی 40 لە رێگەی دەیڤد مارتینێزەوە گۆڵی پێشکەوتنی بەدەستهێنا، دوای ئەوەی براد گوزانی گۆڵپارێزی ئەتەلەنتا یونایتد بەهەڵە تۆپەکەی لەدەستدا.
پاشان دێریک ویلیامز لە خولەکی 58 بە لێدانی سەر گۆڵی یەکەم و یەکسانبوونی بۆ یانەی میوان تۆمارکرد.
ئینتەرمەیامی بەسەرکردایەتی لیۆنێل مێسی و لویس سوارێز هەوڵیدا سەرکەوتن بەدەستبێنێت، هەروەها ئەتەلەنتاش هەوڵی بردنەوەی دەدا، بەڵام هەوڵەکان شکستیان هێنا تا زاندێ سیلڤا خولەکێک پێش کۆتاییهاتنی کاتی وەستان گۆڵی بردنەوەی بۆ خاوەن یاریگا تۆمارکرد، ئەمەش دوای ماوەیەکی کەم لە گۆڵێکی لیۆنێل مێسی، کە بەهۆی ئۆفسایدەوە رەتکرایەوە.
بەم ئەنجامە یانەی ئەتلەنتا یاریی سێیەمی یەکلاکەرەوەی کردە ئەمری واقیع کە رۆژی شەممەی داهاتوو لە باشووری فلۆریدا بەڕێوەدەچێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ