ڤیدیۆ.. دوای پێکانە مەترسیدارەکەی تۆرێس پەیامێکی بڵاوکردەوە
رووداو - هەولێر
لە یاری نێوان هەردوو یانەی ئاتلێتیکۆ مەدرید و دیپۆرتیڤۆ لاکارۆنیا لە خولی ئیسپانیا، فێرناندۆ تۆرێس، هێرشبەری یانەی ئاتلێتیکۆ مەدرید تووشی پێکانێکی مەترسیدار هات و بەپەلە بۆ نەخۆشخانە گواسترایەوە نەخۆشخانە.
تۆرێس لە خولەکی 85 یارییەکەدا بەتووندی سەری بەر زەوی کەوت و تووشی پێکانێکی مەترسیدار بوو و یاریزانەکانی گریاند، دوای ئەوەش یاریزانەکە بەپەلە بۆ نەخۆشخانە گواسترایەوە و شەوی رابردوو لە نەخۆشخانە ماوەتەوە.
Muchas gracias a todos por preocuparos por mí y por vuestros mensajes de ánimo. Ha sido sólo un susto. Espero volver muy pronto!
— Fernando Torres (@Torres) March 2, 2017
دوای باشتربوونی رەوشی تەندرووستی یاریزانەکە، تۆرێس لەسەر ئەکاونتی فەرمی خۆی لە تۆیتەر، پەیامێکی بڵاوکردووەتەوە و سوپاسی هەموو ئەو کەسانە دەکات کە گرنگیان پێداوە و نامەیان بۆ یاریزانەکە ناردووە و لە تەندرووستی ئەویان پرسیووە، هەروەها رایگەیاندووە ئەوە شتێکی ترسێنەر بوو، بەڵام هیوادارم زوو بگەڕێمەوە.
لەبەرامبەردا یانەی ئارتێلتیکۆ مەدرید رایگەیاندووە، رەوشی تەندروستی یاریزانەکە باشە و ئەمڕۆش چەند پشکنینێکی دیکەی بۆ دەکرێت.
Thoughts and prayers go out to Fernando Torres pic.twitter.com/ii9BAvEE1j
— True Soccer Life (@TrueSccrLife) March 3, 2017