یاریزانێکی هەڵبژاردەی غانا کۆچی دواییکرد

رووداو-هەولێر

ئەبوبەکاری یاکوبوی یاریزانی پیشووی هەڵبژاردەی  غانا و یانەی ئەیاکس ئەمستردامی هۆڵەندی کۆچی دوایی کرد.

لە بڵاوکراوەیەکی فەرمی فیدراسیۆنی تۆپی پێی غانادا هاتووە، یاکوبوی یاریزانی ئەیاکس و ڤیتێسی هٶڵەندی و یاریزانی هەڵبژاردەی غانا کۆچی دوایی کرد، خوا سەبووری ئێمە و خانەوادەکەشئ بدات.

هەر لە بڵاوکراوەکەدا هاتووە یاریزانەکەی پێشووی غانا لە تەمەنی 35 ساڵی  بەهۆی نەخۆشییەوە لە یەکێک لە نەخۆشخانەکانی وڵاتەکەی چاوەکانی داخست و بۆ هەتا هەتایە ماڵئاوایی لێکردین.

ئەبوبەکاری یاکوبو لە تیپی تازەپێگەیشتووانی یانەی ئەیاکسی هۆڵەندی دەستی بە یاری کردووە و لەگەڵ ئەو یانەیەدا دوو نازناوی خولی هۆڵەندی و نازناوێکی جامی هۆڵەنداشی بەدەستهێناوە و لە ساڵی 2009 وازی لە یاریکردن هێناوە

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger