لیۆنێل مێسی
رووداو دیجیتاڵ
یانەی ئینتەرمەیامی دوو خاڵی دیکەی لەدەستدا و لەگەڵ یانەی سانت لویس سیتی یەکسانبوو.
ئینتەرمەیامی بەرەبەیانی ئەمڕۆ لە یاریگەی خۆیدا بەرامبەر یانەی سانت لویس سیتی یارییکرد و یارییەکە بە سێ گۆڵ بۆ هەرلایەک کۆتاییهات.
سەرەتا لە خولەکی 15 کریس دورکین بەلێدانێکی بەهێز گۆڵی پێشکەوتنی بۆ یانەی میوان تۆمارکرد.
لە خولەکی 25 لیۆنێل مێسی ئەنجامەکەی بۆ ئینتەرمەیامی یەکسانکردەوە و گۆڵی دوازدەیەمی لەم وەرزەی خولەکەدا تۆمارکرد.
پێشکۆتاییهاتنی نیوەی یەکەمی یارییەکە بە پێنج خولەک، ئیندیانا ڤاسیلێڤ بۆ جاری دووەم تۆڕی ئینتەرمەیامیی هەژاند و جارێکی دیکە یانەکەی پێشخستەوە.
لە کاتی زیادکراوی نیوەی یەکەمدا، لویس سوارێز ئەنجامەکەی بۆ ئینتەرمەیامی راستکردەوە و گۆڵی دووەمی بۆ یانەکەی تۆمارکرد.
لە خولەکی 68 سوارێز گۆڵێکی دیکەی تۆمارکرد، بەڵام ئەمجارە بەهەڵە لە خۆیان کردەوە.
پاشان خۆردی ئەلبا، گۆڵی سێیەمی ئینتەرمەیامیی تۆمارکرد و یارییەکە بە سێ گۆڵ بۆ هەرلایەک بەیەکسانبوون کۆتاییهات و مەیامی لە یاریگەی خۆیدا دوو خاڵی لەدەستدا.
بەم یەکسانبوونە ئینتەرمەیامی لە پێشەنگی ریزبەندە، بە جیاوازیی دوو خاڵ لەگەڵ سینسیناتی، بەڵام دوو یاریی زیاتری لەو یانەیە ئەنجامداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ