هەڵەیەک روویدا! دووبارە هەوڵبدە
رووداو - هەولێر
رۆژنامەی ئاسی ئیسپانی، ئاشكرای كە لایەنە ئەمنییەكان لە ئیسپانیا 750 پۆلیسیان دیاریكردووە، بۆ ئەوەی ئاساییشی یاریی دێربیی نێوان هەردوو یانەی ریال مەدرید و ئاتلەتیكۆ مەدرید بپارێزن، كە ئەمڕۆ یەكشەممە لە یاریگەی ڤێنسنتی كالدیرۆن، یاریگەی یانەی ئاتلەتیكۆ مەدرید ئەنجام دەدرێت.
یارییەكە لە میانەی هەفتەی 26ی خولی لالیگای ئیسپانیایە و پێشبینیی دەكرێت زۆر بەهێز بێت.
لایەنی ئاساییش لە ئیسپانیا پلانێكی تۆكمەیان داناوە بۆ ئەوەی كۆنتڕۆَلی هەركێشە و گرفتێك بكەن، ئەگەر خوانەخواستە رووبدات، چونكە یارییەكە زۆر هەستیارە و یاریی نێوان هەردوو یانەكەی شاری مەدرید زۆربەی جاریش توندوتیژی بەخۆیەوە بینیوە.
رۆژنامەكە ئاشكرای كرد، پۆلیسی مەدرید پلانێكی ئەوتۆی داناوە، كە پلانی یەدەگی هەیە و باری لەناكاو جێبەجێ دەكات، تەنانەت سەگی تایبەتیشیان دابینكردووە.
سبەی یاریی نێوان ئاتلەتیكۆ مەدرید و ریال مەدرید، ركابەرییە لەسەر پلەی یەكەمی ریزبەندی، كە ئێسا ریال بە 63 خاڵ لە پلەی یەكەمە، ئاتلەتیكۆش بە 60 خاڵ لە پلەی سێیەمە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ