لیڤاندۆڤسکی: بردنەوەی تونس لە فەرەنسا پێشانیداین دەکرێت هەموو شتێک رووبدات

 

 

دوای دۆڕاندنیان بەرامبەر هەڵبژاردەی ئەرجەنتین، پۆڵەندا بەجیاوازیی گۆڵ لەگەڵ هەڵبژاردەی مەکسیک، وەک دووەم هەڵبژاردەی کۆمەڵەی سێیەم گەیشتە قۆناخی شازدەی مۆندیالی 2022ـی قەتەر و لەو قۆناخەدا بەرامبەر فەرەنسا یارییدەکات.

 

لیڤاندۆڤسکی دوای یارییەکە گوتی " بەدڵنیاییەوە فەرەنسا بەربژێرە بۆ بردنەوەی مۆندیال و سەرکەوتن لە یارییەکەی بەرامبەر ئێمە، بەڵام پێویستە بەتەواوی بۆ یارییەکە ئامادەبین و لە ئاستی خۆماندابین لە رووی هێرشبەرییەوە."

 

لیڤا زیاتر قسەیکرد و گوتی " هیوادارم کێشە بۆ هێڵی بەرگری فەرەنسا دروستبکەین، ئەوان تیپێکی بەتوانا و نایابیان هەیە و خاوەنی یاریزانی زۆرباشن."

 

لەبارەی ئەوەی لە توانایاندا هەیە لە فەرەنسا ببەنەوە؟ هێرشبەرەکەی بارسێلۆنا دەڵێت " هەموومان دوایین یاریی فەرەنسامان بینی، بردنەوەی تونس لە هەڵبژاردەکە پێشانیداین کە دەکرێت هەموو شتێک رووبدات."

 

رۆژی یەکشەممە لە رکابەرییەکانی قۆناخی 16ـی مۆندیالدا، هەڵبژاردەی پۆڵەندا بەرامبەر هەڵبژاردەی فەرەنسا یارییدەکات.