رووداو - هەولێر
بەرەبەیانی سبەی یاری سوپەر کلاسیکۆ، لە نێوان هەردوو یانەی ریڤەر پلەیت و بۆکا جۆنیۆرز بەڕێوەدەچێت.
لە قۆناخی پێشکۆتایی جامی لیبەرتادۆرێس، کاژێر 3:30 بەرەبەیانی سبەی بە کاتی باشووری کوردستان ریڤەر پلەیت لە یاریگای مۆنۆمێنتاڵ میوانداری بۆکا جۆنیۆرزی رکابەری سەرسەخت و هەمیشەیی دەکات.
لە جامی لیبەرتادۆرێسدا ئەمساڵ هەردوو یانە ئاستێکی بەرزیان پێشکەشکردووە، ریڤەر لە هیچ یارییەکدا نەدۆڕاوە و بۆکاش تەنیا لە یارییەکی قۆناخی کۆمەڵەکاندا دۆڕاوە، بۆ ئەم یارییەش لە قۆناخی پێشکۆتاییدا هەردوو یانە بەتەواوی بۆ یارییەکە ئامادەن.
ئەم یارییە یاری یەکەمی هەردوو یانە دەبێت و لە رۆژی 23ـی ئەم مانگەش یاری گەڕانەوە لە یاریگای بۆمبۆنێرای تایبەت بە یانەی بۆکا جۆنیۆرز بەڕێوەدەچێت.
هەردوو یانە تاوەکو ئێستا 231 یارییان ئەنجامداوە، ریڤەر 74 یاری بردووەتەوە و بۆکا جۆنیۆرزیش 84 یاری بردووەتەوە و لە 73 یاریشدا یەکسانبوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ