ڤیدیۆ؛ سوارێز گەیشتەوە ئۆرۆگوای و هاوشێوەی سەرۆکی وڵاتان پێشوازیی لێکرا

 

 

ئەوەی سەرنجڕاکێشیشە ئەو فڕۆکەیەی سوارێزی گەیاندە مۆنتێڤیدیۆ، فرۆکەی هاوڕێی نزیکی ئەوە کە لیۆنێل مێسییە.

 

دوای گەیشتنی لویزیتۆ بە ئۆتۆمبێلێکی تایبەت کە ناوی خۆی لەسەر نووسرابوو و لەنێو ئاپۆڕا هەزاران هاندەری یانە ئۆرۆگواییەکە بە شەقامەکانی پایتەختی وڵاتەکەیدا تێپەڕی و پێشوازییەکی گەورە و هاوشێوەی سەرۆکی وڵاتانی لێکرا و میدیای ئۆرۆگواییش بە گرنگییەوە دیمەنەکانی ساتی گەڕانەوەی ئەو ئەستێرەیەی تۆپی پێی وڵاتەکەیانی گواستەوە.

 

سوارێز لەگەڵ هاوژین و منداڵەکانی گەیشتە یاریگە، راستەوخۆ چووە نێو یاریگە و سڵاوی لە هاندەرانی ئەو یانەیە کرد کە بووە سەرەتای دەرکەوتنی لەگەڵ ئەوان بووە و درێسی ژمارە 9ـی یانەکەی بەرزکردەوە.

 

دوای ئەوەش ئێل پیستۆلێرۆ بەنێو یاریگەدا گەڕا، لەنزیکەوە سڵاوی لە هاندەرانی یانەی ناسیۆنال کرد و پێیگوتن چالنچێکی نوێ دەستپێدەکات، خەونێکی نوێیە و هیوادارم بتوانین بەیەکەوە نازناو ببەینەوە."

 

گەڕانەوەی هێرشبەرە 35 ساڵە ئۆرۆگواییەکە، دوای ئەوە دێت کە گرێبەستەکەی لەگەڵ یانەی ئاتلێتیکۆ مەدرید کۆتاییهات و دوای نزیکەی 17 ساڵ یارییکردن لە ئەوروپا بڕیاریدا بگەڕێتەوە وڵاتەکەی، لەکاتێکدا سێ مانگی دیکە مۆندیال دەستپێدەکات و دەیەوێت بەباشترین شێوە بۆ رکابەرییەکانی پاڵەوانێتییەکە ئامادەبێت.

 

یەکەم یاریی فەرمی سوارێز لە تەمەنی 18 ساڵیدا لەگەڵ یانەی ناسیۆنال بووە لە ئایاری 2005، دوو نازناوی لەگەڵ یانەکە بردەوە، پاشان چووە گرۆنینخن و ئایاکس، لەوێشەوە بۆ لیڤەرپوول، بارسێلۆنا و ئاتلێتیکۆ مەدرید و دواجاریش گەڕانەوە بۆ ماڵە کۆنەکەی.