ئینتەرمیلان گرێبەستی تورامی راگەیاند

 

تورام تەمەنی 25 ساڵە، لە یانەی بۆرووسیا میونشنگلادباخ یارییدەکرد، گرێبەستەکەی لەگەڵ ئەو یانەیە کۆتایی هات و ئینتەرمیلانی ئیتاڵی بەفەرمی گرێبەستکردنی لەگەڵ راگەیاند.

 

ئەو یاریزانە پشکنینی پزیشکیی ئەنجامداوە و بووە یاریزانی ئینتەرمیلان، بەڵام یانەکە ماوەی گرێبەستەکە و مووچەکەی رانەگەیاندووە. بەڵام سەرچاوەکان دەڵێن گرێبەستەکە تاوەکو 2028ە و مووچەکەشی 6 ملیۆن و نیوە.

 

پێشتر یانەکانی میلان و پاریس سانجێرمانیش ئەو یاریزانەیان دەویست، بەڵام ئەو ئینتەرمیلانی هەڵبژارد.

 

مارکوس کە کوڕی لیلیان تورامی یاریزانی پێشووی هەڵبژاردەی فەرەنسا و یانەکانی یوڤێنتوسی ئیتاڵی و بارسێلۆنای ئیسپانییە، ماوەی گرێبەستەکەی لەگەڵ یانە ئەڵمانییەکەی کۆتاییهاتبوو، بۆیە بەبێ بەرامبەر چووەتە ریزەکانی یانە ئیتاڵییەکە.