مونشنگلادباخ 4 - 1 یونیەن بەرلین
رووداو - هەولێر
لە درێژەی یارییەکانی گەڕی 29ـی بوندێسلیگادا، دوێنێ دوو یاری بەڕێوەچوون، کە هەردووکیان پڕبوون لە گۆڵ
بۆرووسیا مونشنگلادباخ لەسەر یاریگەی خۆی میوانداری یونیەن بەرلینی کرد و 4 - 1 لێیبردەوە، کە لە لە خولەکی 7دا فلۆریان نیوهاوس گۆڵی یەکەمی بۆ خاوەن ماڵ تۆمارکرد.
چوار خولەک بەر لە کۆتاییهاتنی نیوەی یەکەم، مارکۆس تورام گۆڵی دووەمی تۆمارکرد و پشتیوانی خۆی بۆ جۆرج فلۆید، هاوڵاتییە رەشپێستەکەی ئەمریکا نیشاندا، کە لە لایەن پۆلیسێکەوە بە بەرچاوی هەموو دونیاوە خنکێنرا.
دوای تەنیا 5 خولەک لە دەستپێکردنی نیوەی دووەم، سباستیان ئاندرسۆن هیوای بۆ یونیەن گەڕاندەوە کاتێک توانی بەسەر تۆڕی مونشنگلادباخ بهەژێنێت، بەڵام تورام دوای 9 خولەک گۆڵی دووەمی خۆی و سێیەمی یانەکەی تۆمارکرد.
لە خولەکی 81دا بێلیا گۆڵی چوارەمیشی بەدەستهێنا و مونشنگلادباخ گەیشتە خاڵی 56 و پلەی سێیەمی ریزبەندیی خولەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ