رووداو دیجیتاڵ
ئێرلینگ هالاند، ئەستێرەی یانەی مانچێستەر سیتی تووشی پێکانبووە و بە ئەگەری زۆرەوە ئەم وەرزە بۆ ئەو یاریزانە کۆتاییهات.
لە یاریی قۆناخی هەشتی جامی یەکێتی ئینگلتەرا، هالاند لە یاریی بەرامبەر بۆرنمۆوس تووشی پێکانبوو و بە ناچاری لە خولەکی 60 گۆڕانکاریی پێکرا و چووە دەرەوەی یاریگەی.
یانەی مانچێستەر سیتی لە راگەیێنراوێکدا دەڵێت "هالاند لە پاژنەی پێی چەپیدا تووشی پێکانبووە و پشکنینی زیاتری بۆ دەکرێت بۆ ئەوەی بەتەواوی جۆری پێکانەکەی و وادەی دوورکەوتنەوەی ئاشکراببێت."
هەرچەند مانچێستەر سیتی وادەی دوورکەوتنەوەی یاریزانەکەی لە یاریگەکان رانەگەیاندووە، بەڵام راپۆرتە رۆژنامەڤانییەکانی بەریتانیا دەڵێن "بەهۆی ئەو پێکانەی تووشی بووە ئەم وەرزە بۆ هالاند کۆتاییهات، بەتایبەت کە دوای یارییەکە بە دارشەقەوە لە یاریگە چووەتە دەرەوە."
مانچێستەر سیتی هیوای سەلامەتی بۆ گۆڵکارەکەی دەخوازێت و دەڵێت "هیوادارین هەرچی زووە یاریزانەکە بگەڕێتەوە، بەتایبەت بۆ یارییەکانی مۆندیالی یانەکان لە هاوینی ئەمساڵدا."
ئێرلینگ هالاند لەم وەرزەدا بەشێوەیەکی گشتی 40 یاریی بەدرێسی مانچێستەر سیتییەوە ئەنجامداوە 30 گۆڵی تۆمارکردووە و 4 ئاسیستی بۆ هاوڕێکانی کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ