یانیک سینێر
رووداو دیجیتاڵ
یاریی کۆتایی تێنسی مەیامییە، گریگۆر دیمیترۆڤی بولگاری و یانیک سینێری ئیتاڵی دەیانەوێت یەکەم نازناوی پاڵەوانێتییەکە ببەنەوە.
یارییەکە بە ئارامی و مامەڵەی هەستیاری هەردوو تێنسزانەکە دەستیپێکرد.
سینێر گێمی چوارەمی کردە خاڵی وەچەرخان و هەنگاونان بەرەو گەیشتن بە خەونی بردنەوەی نازناوەکە.
باڵابەرزە ئیتاڵییەکە یاریگەی کۆنتڕۆڵکرد، کۆمەڵەی یەکەمی رکابەرییەکەی لە ماوەی 42 خولەکدا بە شەش سێ تەواو کرد و پێشکەوت.
لە سەرەتای کۆمە:ەی دووەمدا، هەردوو تێنسزانە دیمەنێکی ناوازەیان پێشانی هاندەراندا، سینێر گێمی یەکەمی بردەوە.
دوای ئەوە ئاستی گریگۆر بەتەواوی دابەزی، تێنسزانە ئیتاڵییەکە بە شەش یەک کۆمەڵەی دووەمی تەواوکرد و بووە پاڵەوان.
یانیک سینێر 13ـەیەم نازناوی لە کاروانی خۆیدا بەدەستهێنا، لەم وەرزەدا لە 23 یارییدا تەنیا یەک یاریی دۆڕاندووە، بۆ یەکەمجار لە مێژوودا بووە پاڵەوانی تێنسی مەیامی و لەنێو دڵخۆشییەکی زۆردا جامی پاڵەوانێتییەکەی بەرزکردەوە، هەزار خاڵی لە ریزبەندی گشتیدا وەرگرت و 1 ملیۆن و 100 هەزار یۆرۆشی وەکو خەڵاتی دارایی پێدرا، جگە لەوەش وەکو یەکەم تێنسزانی ئیتاڵی لە مێژوودا چووە پلەی دووەمی ریزبەندی جیهان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ