بارسێلۆنا ئەرکی ئاسانە و دەیەوێت زیاتر لە بردنەوەی لالیگا نزیکببێتەوە

 

 

لە رکابەرییەکانی گەڕی 27ـی لالیگادا، بارسێلۆنای پێشەنگی ریزبەندی خولەکە لە دەرەوەی یاریگەی خۆی رووبەڕووی یانەی ئێلچی دەبێتەوە، بەشێکی یاریزانەکانی یانە کەتەلۆنییەکە بەهۆی پێکان و وەرگرتنی کارتی زەردەوە بەشداری لە یارییەکەدا ناکەن.

 

هەریەکە لە ئاندریاس کریستێنسن، پێدری، دی یۆنگ، عوسمان دێمبێلی بەهۆی پێکان و رافینیا بەهۆی وەرگرتنی کارتی زەردەوە ناتوانن لە پێکهاتەی چاڤیدا یاوەری تیپەکە بکەن، بەڵام لەگەڵ ئەوەشدا کەتەلۆنییەکان بە ئامانجی بردنەوەی سێ خاڵ و درێژەدان بە ئەنجامە باشەکانیان دەچنە شاری ئێلچی.

 

بارسێلۆنا لە یاری یەکەمی نێوانیان لەم وەرزەدا بە سێ گۆڵی بێبەرامبەر سەرکەوتنی بەرامبەر یانەکە بەدەستهێناوە و لە دوایین 23 یاریی نێوانیاندا ئێلچی هیچ یارییەکی لە بلاوگرانا نەبردووەتەوە و دوایین دۆڕانی بارسا بەرامبەر ئەو یانەیە بۆ ساڵی 1974 دەگەڕێتەوە.

 

بارسێلۆنا ئێستا لە پێشەنگی ریزبەندی خولی ئیسپانیا خاوەنی 68 خاڵە و 12 خاڵ لە ریال مەدریدی دووەمەوە دوورە، یانەی ئێلچی لە 26 گەڕی رابردوودا تەنیا دوو یاریی بردووەتەوە و لە پلەی کۆتایی ریزبەندی خولەکەیە بە کۆکردنەوەی تەنیا 13 خاڵ.