هیڤیدار زانا

پێشكێشكاری تۆڕی میدیایی رووداوە.

زانینی ژمارەیەك زمانی گرنگ و بەشداریكردنی لە بزووتنەوەی سیاسیدا، باكگراوەندی رۆشنبیری هیڤیداریان زۆر بەهێزكردووە بۆ بەڕێوەبردنی گفتوگۆیەكان زۆر بە سەركەوتوویی و زانینی قوڵایی هەواڵ و رووداوەكان .

ژیننامه‌ی ته‌واو‌

بابەتە بڵاوکراوەکانی هیڤیدار زانا

5 کاژێر له‌مه‌وپێش

پەرلەمانتارێکی پێشووی ئاکپارتی: چەکی پەکەکە بەربەستی بەردەم چارەسەری پرسی کوردە

لەبارەی ئەو هەڵمەتی قەییومەی لە باکووری کوردستان دەستیپێکراوە و سێ لە سەرۆکشارەوانییەکانی دەم پارتی لەکارلادراون مەتینەر گوتی: "ژمارەیەکی زۆر زانیاری و بەڵگە هەیە لەبارەی ئەوەی بەپێی رێنمایی پەکەکە و کەجەکە، دەسەڵات و توانای شارەوانیی بەکارهێناوە و هەر لەسەر خەرجیی شارەوانی ناوەندی کردوونەتەوە کە لەڕێیەوە گەنجان قایل کراون بۆ ئەوەی بنێردرێنە شاخ. هەروەها لەبارەی ئەو سەرۆکشارەوانییانەی لەکار لادراون، بڕیاری دادگە هەن. دەوڵەتێکی یاسایی لەسەریەتی بریارەکانی دادگە جێبەجێ بکات".

زۆرتر

ژیننامه‌

خوێندنی پیشەی رۆژنامەڤانی بەشێوەیەكی ئەكادیمی و كەلەكەبوونی شارەزایی لە كاری راگەیاندن دا، بوونەتە هۆی ئەوەی ببێتە خاوەنی شێوازێكی تایبەت لە پێشكێشكردنی هەواڵ دا .

لە ساڵی 2014 لە ئەوروپاوە گەڕایەوە كوردستان و لە تۆڕی میدیایی رووداو دەستی بە كاركرد. لە رووداو نێوبانگی میدیایی هیڤیدار زانا زۆر فراوانبوو، وەك خۆی دەڵێ " من وەك پێشكێشكار، پەیامنێر، نووسینی هەواڵ، بێژەری هەواڵ، پێشكێشكاری بەرنامەی سیاسی و كۆمەڵایەتی كارم كردبوو، بەڵام ئەزموونی رووداو لووتكەی كاری میدیایی منە".

زیاتر بایەخ بە روونی هەواڵەكان و گواستنەوەی رووداوەكان دەدات بەشێوازێك كە هەموو كەس بتوانێ لێیان تێبگات. بەردەوامیش هەوڵدەدات پێداچوونەوە بە هەواڵی بوولتەنەكانیدا و دوایین زانیارییەكان و رووداوەكان بەتەواوی نوێكارییەكانەوە بگەیێنێتە بینەران و بیسەران.

هیڤیدار زانا، لە ماوەی كاركردنی لە رووداو دا لە رووماڵكردنی زۆر رووداوی گرنگدا بەشداربووە لەوانەش : شەڕی داعش 2014-2017، كارەساتی شنگال 2014، گشتپرسی سەربەخۆیی كوردستان ئەیلوولی 2017، هێرشەكانی 16ی ئوكتۆبەری 2017.

هەروەها لە ستۆدیۆی رووداو لە ئامەد و ئیستەنبوول رووماڵی چەند رووداوێكی گرنگی باكووری كوردستان و توركیای كردووە، لەوانەش : هەڵبژاردنەكانی پەرلەمانی توركیا لە ساڵی 2015، گشتپرسی گۆڕینی دەستووری توركیا لە 16ی نیسانی 2017، هەڵبژاردنەكانی سەرۆككۆماری لە توركیا لە رۆژی 24ی حوزەیرانی 2018، هەڵبژاردنی شارەوانییەكان لە 31ی ئاداری 2019.

هیڤیدار زانا، لەساڵی 1976 لە شاری مێردینی باكووری كوردستان لەدایكبووە. ساڵی 1995 چووەتە ئەوروپا، بەدرێژایی 19ساڵ لە وڵاتانی بەلجیكا، هۆڵەندا، كۆستاریكا و ئەڵمانیا ژیاوە.

لە هۆڵەندا و كۆستاریكا خوێندنی رۆژنامەڤانی تەواو كردووە.

لەساڵی 1993ەوە دەستی بە كاری راگەیاندن كردووە. لە رادیۆی دەنگی كوردستانی سەربەخۆ، MedTv، KurdistanTV، رادیۆی SBS، گۆڤاری نوودەم، رۆژنامەی پەیامی كورد كاریكردووە.

جگە لە زمانی دایك، زمانەكانی هۆڵەندی، ئەڵمانی، ئیسپانی و توركی دەزانێت.

ژیانی هاوژینی پێكهێناوەو دایكی رۆبینە.