سووپی برۆکلی بە پەنیر

لە بەرنامەی ئەمرۆی شیڤ و شیرینی، ئەڤین دەروێش سووپی برۆکلی بە پەنیر و کێکی مەفین بە شلیک دروستدەکات.

پێداویستییەکان: برۆکۆلی، گێزەر، پیاز، سیر، زەیت، خوێ و بەهارات، پەنیری چێدەر، کرێم 

ئامادەکردن
1.  مەنجەڵێک ئامادە دەکەین و کەمێک زەیتی تێدەکەین.
2.  پیاز و سیر ورد دەکەین و لە زەیتەکەدا سووریان دەکەینەوە.
3.  گێزەر لە رەندە دەدەین و لەگەڵ برۆکۆلییەکە تێکەڵی دەکەین و دەیکەینە ناو مەنجەڵەکە.
4.  خوێ، بیبەری رەش و بەهاراتی تێدەکەین.
5.  کرێمەکەی تێدەکەین و وازی لێدەهێنین تاوەکو دەکوڵێت.
6.  لە کۆتاییدا پەنیری چێدەری تێدەکەین تاوەکو دەتوێتەوە.
7.  لەگەڵ نانی برژاو پێشکەشی دەکەین.

کێکی مەفین بە تامی شلیک

پێداویستییەکان: سێ هێلکە، شەکر، بەیکین پاودەر، ڤانێلا، زەیت، ئارد، شلیک

ئامادەکردن
1.  هێلکە و شەکرەکە تێکەڵ دەکەین.
2.  زەیتەکەی تێدەکەین.
3.  ئارد، بەیکین پاودەر و ڤانێلاکەی تێدەکەین و تێکیدەدەین.
4.  شلیکەکە ورد دەکەین و بەشێکی دەکەینە ناو هەویرەکەوە.
5.  قاڵبی کێکی مەفین ئامادە دەکەین، ئەگەر قاڵبمان نەبوو دەتوانین لە ماڵەوە دروستی بکەین بە بەکارهێنانی وەرەقەی کەرە.
6.  هەویرەکە دەکەینە ناو قاڵبەکانەوە و شلیکەکەی بەسەردا دەکەین.
7.  کەمێک زەیت، ئارد، شەکر و کەرە تێکەڵ دەکەین و دەیکەین بەسەر کێکەکەدا.
8.  لە پلەی 180، بۆ ماوەی نیو کاژێر بۆ 40 خولەک دەیبرژێنین.