مریشکی ئەلفرێدۆ

لە بەرنامەی شیڤ و شیرینی ئەمڕۆ، ئەڤین دەروێش چۆنیەتی ئامادەکردنی ، مریشکی ئەلفرێدۆ رووندەکاتەوە.

پێداویستییەکان: سپاگێتی، سنگی مریشک، پیاز، سیر، زەیت، خوێ، بیبەری رەش، بیبەری سوور، کەرە، کرێم، پەنیر (مۆزەرێللا یان هەر پەنیرێکی دیکە کە بۆ پاستا بەکاربهێنرێت)، بەهاراتی ئیتاڵی

ئامادەکردن
1. کوڵاندنی سپاگێتی
    - ئاو دەکوڵێنرێت و کەمێک زەیتی تێدەکرێت بۆ ئەوەی سپاگێتییەکان بەیەکەوە نەنوسێن.
    - سپاگێتییەکان دەخرێنە ناو ئاوە کوڵاوەکە و دەکوڵێنرێن.

2. ئامادەکردنی مریشک
    - سنگی مریشک دەکرێت بە دوو پارچەوە و بە خوێ، بیبەری رەش، بیبەری سوور و سیر تامدار دەکرێن.
    - سنگی مریشکەکە لە تاوەیەکدا سووردەکرێنەوە تاوەکو رەنگیان دەگۆڕێت و بەتەواوی دەبرژێن.
    - دوای سووربوونەوە، مریشکەکان دەردەهێنرێن و لەت لەت دەکرێن.

3. ئامادەکردنی سۆسی ئەلفرێدۆ
    - لە هەمان تاوەدا، کەمێک کەرە دەتوێندرێتەوە، پیاز و سیر تێیدا سووردەکرێنەوە.
    - کرێم و پەنیرەکە دەخرێنە سەر پیاز و سیرە سوورکراوەکە و تێکدەدرێن تاوەکو پەنیرەکە دەتوێتەوە.

4.  تێکەڵکردنی هەموو پێکهاتەکان
    - سپاگێتییە کوڵاوەکە دەخرێتە ناو سۆسەکەوە و تێکدەدرێت.
    - پارچە مریشکە سوورکراوەکان دەخرێنە سەر سپاگێتییەکە.

5.  پێشکێشکردن
    - مریشکی ئەلفرێدۆکە لە هەمان تاوەدا پێشکێشدەکرێت.