دیاردەیەکی گەردوونی لە هەرێمی کوردستان دەردەکەوێت

 

 

د. حوسێن رابی، پسپۆڕی فیزیا و فەلەکناس لە بەرنامەی رووداوی ئەمڕۆ لەبارەی دەرکەوتنی مانگی تابان (سووپەرموون) لە هەرێمی کوردستان گوتی: "مانگ گەیشتووەتە نزیکترین خاڵ لە زەوییەوە بۆیە بە درەوشاوەیی دەرکەوتووە کە ناوە جیهانییەکەی (سووپەر موون)ـە و لە زمانی کوردی بە (مانگی تابان) ناودەبرێت."

 

گوتیشی: "لێکۆڵینەوە زانیستییەکان دەیسەلمێنن کە مرۆڤ چووەتە سەر مانگ و ئەو رووداوە سیناریۆ نییە وەکو ئەوەی باس دەکرێت، بەڵکو ئێستاش مرۆڤ دەتوانێت بچێت بۆ سەر مانگ."

 

بە گوتەی ئەو فەلەکناسە، مانگ لە بنەمادا بەشێک بووە لە زەوی، بەهۆی بەرکەوتنی تەنێکەوە لە زەوی جیابووەتەوە و دوورکەوتووەتەوە بەڵام خولگەی زەوی جێنەهێشتووە و هێزی کێشکردنی مانگیش هۆکارە بۆ شەپۆلی دەریا و زەریاکان لەسەر زەوی.