کۆبوونەوەی سەرۆککۆماری ئێران لەگەڵ بەرپرسانی باڵای هەرێمی کوردستان

 

 

 

جەواد قادر، شارەزای کاروباری ئێران لە بەرنامەی رووداوی ئەمڕۆ گوتی: سەردانی سەرۆککۆماری ئێران بۆ هەرێمی کوردستان گرنگییەکی زۆری هەیە و ئێران داوای لە عێراق کردووە نێوەندگیری بۆ بکات لەگەڵ سعودیە.

 

گوتیشی: پزیشکیان لە دۆخێکی زۆر تایبەتدا هاتە عێراق و هەرێمی کوردستان و هەوڵ و دەستپێشخەریی نێچیرڤان بارزانی رێخۆشکەر بوو بۆ هاتنی پزیشکیان و ئەنجامدانی ئەو سەردانە گرنگە.

 

هەر لە بەرنامەی رووداوی ئەمڕۆ، محەممەد هەورامی، شارەزای کاروباری ئێران لەبارەی سەردانی سەرۆککۆماری ئێران بۆ سلێمانی گوتی: سەردانی پزیشکیان بۆ سلێمانی زۆر گرنگ بوو بۆ پارێزگاکە.

 

گوتیشی: سەردانی پزیشکیان بۆ سلێمانی نیشانەی گرنگیی پارێزگاکەیە و هیچ سەرکردەیەکی حیزبەکانی رۆژهەڵات لەم پارێزگایە دەستگیرنەکراوە کە ئێران داوای بکات.