سەرۆککۆماری ئێران سەردانی هەولێر و سلێمانی دەکات

 

 

د. ساڵح عومەر، مامۆستای زانکۆ لە بەرنامەی رووداوی ئەمڕۆ لەبارەی سەردانی سەرۆککۆماری ئێران بۆ هەرێمی کوردستان گوتی:  دوای سەردانەکەی نێچیرڤان بارزانی گۆڕانکاری لە پەیوەندییەکانی هەولێر و تاران هاتووەتە ئاراوە و ئەم سەردانەی پزیشکیانیش بۆ هەرێمی کوردستان لەسەر بانگهێشتی خودی سەرۆکی هەرێمی کوردستانە.

 

گوتیشی: نێچیرڤان بارزانی رۆڵی لە باشترکردنی پەیوەندییەکانی هەرێمی کوردستان و ئێران هەبوو.

 

بە گوتەی ساڵح عومەر، یەکێک لە ئامانجەکانی ئەم سەردانەی سەرۆککۆماری ئێران بۆ هەرێمی کوردستان دۆسییەی ئەمنییە و دەڵێت: پزیشکیان بابەتی سیاسی و ئەمنی لەگەڵ هەرێمی کوردستان تاوتوێ دەکات.