بەرپرسی دەستەی هەڵبژاردنەکانی هەرێمی کوردستان: تائێستا هیچ بەربژێرێک رەتنەکراوەتەوە
رووداو دیجیتاڵ
بەرپرسی دەستەی هەڵبژاردنەکانی هەرێمی کوردستان لە کۆمیسیۆنی باڵای سەربەخۆی هەڵبژاردنەکانی عێراق دەڵێت، تائێستا هیچ بەربژێرێکی هەڵبژاردنی پەرلەمانی کوردستان رەتنەکراوەتەوە و هەموو سندووقەکانی دەنگدانیش دوای دەرچوونی ئەنجامی ئەلیکترۆنی، جارێکی دیکە دەنگەکان بە دەست دەژمێردرێنەوە.
نەبەرد عومەر، بەرپرسی دەستەی هەڵبژاردنەکانی هەرێمی کوردستان لە کۆمیسیۆنی باڵای سەربەخۆی هەڵبژاردنەکانی عێراق لە بەرنامەی رووداوی ئەمڕۆی تۆڕی میدیایی رووداو گوتی، "هەموو ئامادەکارییەک بۆ ئەنجامدانی هەڵبژاردنی پەرلەمانی کوردستان کراوە و راهێنانەکانیان چڕ کردووەتەوە بۆ بەکارهێنانی سیستمەکە بە شێوەیەکی دروست."
به‌شی بكه لە
