لەگەڵ رەنج - بۆ داگیركردنی زەوی كورد و توركمان هێشتا كار بە بڕیارەكانی بەعس دەكرێت
لە كەركووك مەترسی داگیركردنی یەك ملیۆن و 200هەزار دۆنم زەوی كورد و توركمان هەیە
بۆ رێگری لەو داگیركارییە خێوەت هەڵدراوە
یەك ملیۆن 200هەزار دۆنم زەوی كشتوكاڵی كەركووك، لەنێوان جووتیارانی سێ نەتەوەی شارەكەوە كێشەی لەسەرە، جووتیارانی كورد و توركمان دەڵێن ئەو زەویانە هی ئێمەیە، بەڵام عەرەبی هاوردە بە پشتیوانی سوپا و بەبڕیارەكانی پێشووی بەعس لە هەوڵی داگیركردنی ئەو زەویانەدان، بۆیە لەسەر رێگەی كەركووك – بەغدا تاوەكو ئامادەكردنی ئەم بەرنامەیە 32رۆژە خێوەتیان هەڵداوە، بەرنامەی لەگەڵ رەنج لە شەوی یەكشەممە 02-07-2023دا لە تەنیشت خێوەتەكە جووتیارە ناڕەزاییەكانیان دواند.
خێوەتەكە داگیركارییەكی راگرتووە
سامی غەفوور، وەك نوێنەرێكی جووتیارانی كورد لە بەرنامەكەدا قسەی كرد‌و باسی لەوە دەكرد تاوەكو ئێستا كەس بەدەنگیانەوە نەهاتووە ئەو دەڵێت "پەیوەندییمان پێوە دەكرێت و هەوڵمان بۆ دەدەن، بەڵام تاوەكو ئێستا هیچی وامان بۆ نەكراوە كە دڵخۆشكەر بێت".
وەك ئەو جووتیارە كوردە جەختی لەسەر كردەوە، بڕیاری دروستكردنی یەكەی نیشتەجێبوون لەسەر زەوییەكانی كورد و توركمان لە تۆپزاوا بۆ سەربازانی سوپای عێراق دراوە سامی غەفوور دەڵێت "تاوەكو ئێستاش بڕیارەكە بەركارە و هیچ گۆڕانێكی بەسەردا نەهاتووە؛ تەنیا شتێك كە پڕۆژەكەی راگرتووە، ئەم خێوەتەیە كە وەك ناڕەزایەتی هەڵمان داوە".
سامی چەند جارێك دڵنیایی ئەوەیدا كە بەهیچ شێوەیەك ئامادە نین دەستبەرداری زەوییەكانیان بن "دەستبەرداربوون لەم زەوییانە، واتای دەستبەرداربوونە لە ژیانمان؛ هەموو ژیان و بژێویمان لەسەر ئەم زەوییانەیە؛ بۆیە داوا لە سەرۆك بارزانی و كاك بافڵ تاڵەبانی دەكەم، بانگمان بكەن و لە نزیكەوە گوێ لە داواكارییەكانمان بگرن".
"بە هەوڵی سەرۆك بارزانی، لیژنەی مادەی 140 كارا كرایەوە"
نەجوا كاكەیی، پەرلەمانتاری فراكسیۆنی پارتی لە پەرلەمانی عێراق وەك میوانێكی دیكەی بەرنامەكە ئەوەی روونكردەوە كە بە هەوڵی سەرۆك بارزانی لیژنەی مادەی 140 لەم كابینەیەی حكومەتی عێراقدا كارا كرایەوە و گوتیشی "لە خولەكانی پێشووی پەرلەمانی عێراقدا داكۆكی زۆر لە مافی جووتیارانی كوردی كەركووك كراوە، بەڵام لەم خولەدا توانیومانە مادەی 140 كارا بكەینەوە".
نەجوا كاكەیی باسی لەوەش كرد كاتێك بیستویانە سوپا رێگە بە دروێنەكردنی گەنمی جووتیارانی كەركووك نادات، لەگەڵ وەزارەتی بەرگری قسەیان كرد و سێ ئەفسەری باڵای سوپایان هێناوە بۆ ئەوەی دواتر حاشای لێنەكەن و ببینن هەمەڕی سەربازی لەنێو گوندەكان رێگە نادات جووتیارانی كورد بەرهەمەكانیان بدروونەوە.
ژووری ئۆپەراسیۆنەكانی كەركووك بە پەرلەمانتارانی كوردی گوتووە، ئەوان رێنماییەكیان بۆ چووە و بەپێی رێنماییەكە مامەڵە دەكەن و رێگە نادەن جووتیاران لەو زەوییانە كار بكەن كە وەزارەتی بەرگری بە موڵكی خۆیانی دەزانێت، لەبەرئەوەی ئەو زەوییانە لە سەردەمی دەسەڵاتی بەعسدا بەشێكیان خراونەتە سەر وەزارەتی بەرگری و بەشێكیش بۆسەر بەڕێوەبەرایەتی خۆجێیی كەركووك. بە گوتەی نەجوا كاكەیی، "لە ساڵی 2003 كە خەڵك گەڕانەوە سەر زەوییەكانیان ئەو بڕیارانە بەرەو كاڵبوونەوە رۆیشتن".
ئەو فشارەی لە تۆپزاوا و تەركەڵان هەیە لە تازە و حەویجە نییە
ئەو پەرلەمانتارەی پارتی لە پەرلەمانی عێراق گوتیشی "لە ساڵی 2017ـەوە گوشارەكان بۆسەر جووتیارانی كورد و توركمان لە تۆپزاوا و تەركەڵان روویان لە زیادبوون كردووە، لەكاتێكدا لە تازە و حەویجە كە ئەوانیش سەر بە كەركووكن، ئەو گوشارە نییە".
نەجوا كاكەیی باس لە هەوڵەكانی سەرۆك بارزانی بۆ چارەسەری كێشەی جووتیارانی كەركووك دەكات و ئەوە دەخاتەڕوو "ئەگەر سەرۆك بارزانی پەیوەندی بە سەرۆكوەزیرانی عێراقەوە نەكردبا، ئێستا جووتیارانی كورد لە كەركووك نەیاندەتوانی بەروبوومە كشتوكاڵییەكانیان كۆبكەنەوە".
"پەرتەوازەیی لایەنە سیاسییەكانی كوردستان ئەو دۆخەی دروستكردووە"
سەباح شێخ حەبیب، پەرلەمانتاری فراكسیۆنی یەكێتی لە پەرلەمانی عێراق وەك میوانێكی دیكەی بەرنامەكە پێیوایە پەرتەوازەیی لایەنە سیاسییەكان بووەتە هۆی ئەوەی تاوەكو ئێستا مادەی 140 جێبەجێ نەكرێت و گوتی "حكومەتی هەرێمی كوردستان و لایەنە سیاسییەكان یەكگرتوو نەبوون بۆ چارەسەركردنی پرسی مادەی 140 و ئەگەر هەرێمی كوردستان لە دانوستاندنەكان لەگەڵ بەغدا لەسەر مادەی 140 یەكگرتوو و رژدتر بووبا، ئێستا ئەو مادەیە دەمێك بوو جێبەجێكرابوو".
پەرلەمانتارەكەی یەكێتیی نیشتمانیی كوردستان لە پەرلەمانی عێراق ئەوەشی خستەڕوو ئەوان كە 63 پەرلەمانتاری كوردن لە پەرلەمانی عێراق، بەڵام زۆرجار ئەركە نەتەوەیی و نیشتمانییەكانیان بەهۆی پەرتەوازەبوونیان وەكو پێویست جێبەجێ ناكەن گوتیشی "ئێستاش بۆ چارەسەری دۆخی جووتیارانی كورد، تاكە چارەسەر یەكگرتوویی لایەنە سیاسییەكانی هەرێمی كوردستانە بۆ ئەوەی بتوانین پێكەوە رێگەچارەیەكی سیاسی بدۆزینەوە".
"دەستێوەردانی سوپای عێراق كێشەكانی قووڵتر كردووە"
محەممەد ئەمین، جووتیار لە سنووری كەركووك پێیوایە، دەستوەردانی سوپا لە كێشەی زەویوزارەكانیان یەك لە كێشە هەرە گەورەكانە و وەكو ئاماژەی پێدەدات، "سوپا بووەتە ئامرازێك بۆ راگرتنی كشتوكاڵی ئێمە؛ چووینەتە لای فەرماندەی ئۆپەراسیۆنەكانی كەركووك بۆ ئەوەی رێگەمان بدرێت گەنمەكانمان دروێنە بكەین، دەڵێت نووسراوی وەزیری بەرگرییم لایە كە رێگەم نادات بهێڵم كاری كشتوكاڵی بكەن".
بە گوتەی ئەو جووتیارە كوردە، هەموو رۆژێك سوپا دەچێت بۆ ناوچەكەیان و گوتیشی "هەر جووتیارێك ببینن لەسەر زەوییەكەی كار دەكات، لە كارەكەی رایدەگرن یان دەستگیری دەكەن".
"یەك ملیۆن و 200 هەزار دۆنم زەوی، مەترسیی داگیركردنی لەسەرە"
محەممەد ئەمین باس لە دوو بڕیاری دەسەڵاتی بەعس دەكات كە بووەنەتە هۆی ئەوەی یەك ملیۆن و 200 هەزار دۆنم زەویی جووتیارانی كورد و توركمان داگیربكرێت و دەڵێت، ئەگەر لایەنە سیاسییەكان كار بۆ هەڵوەشاندنەوەی ئەو بڕیارانە نەكەن، ئەو زەوییانە بەتەواوەتی داگیر دەكرێن.
كۆی زەوییەكانی كەركووك بە دوو بڕیاری لیژنەی كاروباری باكوور و ئەنجوومەنی سەركردایەتی شۆڕش داگیركراون. بە گوتەی محەممەد ئەمین، "تەنیا بەهۆی بڕیارەكانی ئەنجوومەنی سەركردایەتیی شۆڕشەوە 300 هەزار دۆنم زەوی جووتیاران و بەهۆی بڕیارەكانی لیژنەی كاروباری باكووریشەوە 900 هەزار دۆنم زەوی داگیركراون، كە دەكاتە تێكڕا یەك ملیۆن و 200 هەزار دۆنم زەوی كورد و توركمانی كەركووك".
لەبەرێوەبەرایەتی كشتوكاڵی كەركووك نوسراوەكان دەشاردرێتەوە
ساڵی 2012 بڕیارێك دەرچوو بۆ پووچەڵكردنەوەی بڕیاری ژمارە 17ـی ساڵی 1976 كە بەپێی بڕیارەكە زەوی كشتوكاڵی لە كورد و توركمان وەرگیرا و درایە عەرەبی هاوردە. شكار مەردان، پارێزەرە وەك میوانێكی دیكەی بەرنامەكە پێیوابوو "ئێستاش كار بە بڕیارەكەی ساڵی 2012 ناكرێت و بەڕێوەبەرایەتی كشتوكاڵی كەركووك پاڵپشتی لە عەرەبی هاوردە دەكات و گرێبەستەكانیان بۆ نوێدەكاتەوە".
بە گوتەی ئەو پارێزەرە كوردە، "لە وەزارەتی كشتوكاڵی عێراقەوە چەندین جار نووسراویان بۆ بەڕێوەبەرایەتی كشتوكاڵی كەركووك ناردووە بۆ ئەوەی كار بە بڕیاری ساڵی 2012 بكرێت، بەڵام ئەو نووسراوانە شاردراونەتەوە و كاریان پێ نەكراوە".
لەبارەی بڕیاری سەرۆكی لیژنەی مادەی 140 بۆ هەڵوەشاندنەوەی بڕیارەكانی سەردەمی بەعس، شكار مەردان دەڵێت، "لە 12ـی تەممووزی 2023 بڕیارەكە لەلایەن هادی عامرییەوە دەرچوو و وەزارەتی كشتوكاڵی عێراق 25ـی تەممووز واژۆی لەسەر كردووە. بڕیارە دوای پشووی جەژنی قوربان رادەستی بەڕێوەبەرایەتی كشتوكاڵی كەركووك بكرێت و چاوەڕێین بزانین ئاخۆ جێبەجێی دەكەن یان نا".
"بەرپرسانی كورد و توركمان كەمتەرخەمن"
هەر لە بەرنامەكەدا حوسێن مەردان، نوێنەری جووتیارانی توركمانی شیعە گلەیی لە بەرپرسانی سیاسی كورد و توركمان دەكات و دەڵێت، "لە سەردەمی بەعسەوە ستەم لەسەر هەردوو نەتەوەی كورد و توركمانی كەركووك بەردەوامە؛ 32 رۆژە بەیەكەوە لەژێر خێوەتێكدا مانمان گرتووە لە بەرامبەر ئەو یاسایانەی سەردەمی بەعس كە تاوەكو ئێستاش بەركارن".
نوێنەرەكەی جووتیارانی توركمانی شیعەی كەركووك باس لەوەش دەكات ماوەی 20 ساڵە حكومەتی نوێ لە عێراق دامەزراوە، بەڵام تاوەكو ئێستا ئەو بڕیارانەی سەردەمی بەعس هەڵنەوەشێندراونەتەوە و زەوییەكان بۆ خاوەنەكانیان نەگەڕێنراوەتەوە، ئەو گوتیشی "بۆ ئەمەش گلەییمان تەنیا لە بەغدا نییە، بەڵكو گلەییەكەمان لە بەرپرسانی كورد و توركمانە كە لەو پێناوەدا كاری جیدیان نەكردووە". حوسێن مەردان جەختی لەوە كردەوە "كورد و توركمان لە كەركووك وەكو یەك ستەمیان لێكراوە و بۆ لادانی ئەو ستەمەش دەبێ ئێستا بەیەكەوە كار بكەن و یەكگرتوو بن".
ئەم بەرنامەیە شەوی 02-07-2023 بەشێوەیەكی راستەوخۆ پێشكەش كراو میوانە سەرەكییەكانیش پێكهاتبوون لە
1- نەجوا كاكەیی، پەرلەمانتاری فراكسیۆنی پارتی لە پەرلەمانی عێراق
2- سەباح شێخ حەبیب ، پەرلەمانتاری فراكسیۆنی یەكێتی لە پەرلەمانی عێراق
3- محەممەد ئەمین، جووتیار لە سنووری كەركووك
4- ساتع ناسیح، جووتیار لە تۆپزاوای كەركووك.
5- شكار مەردان، جووتیاری كورد لە كەركووك
6- حوسێن مەردان، نوێنەری جووتیارانی توركمانی شیعە
7- سامی غەفوور، نوێنەری جووتیارانی كورد لە كەركووك
بۆ رێگری لەو داگیركارییە خێوەت هەڵدراوە
یەك ملیۆن 200هەزار دۆنم زەوی كشتوكاڵی كەركووك، لەنێوان جووتیارانی سێ نەتەوەی شارەكەوە كێشەی لەسەرە، جووتیارانی كورد و توركمان دەڵێن ئەو زەویانە هی ئێمەیە، بەڵام عەرەبی هاوردە بە پشتیوانی سوپا و بەبڕیارەكانی پێشووی بەعس لە هەوڵی داگیركردنی ئەو زەویانەدان، بۆیە لەسەر رێگەی كەركووك – بەغدا تاوەكو ئامادەكردنی ئەم بەرنامەیە 32رۆژە خێوەتیان هەڵداوە، بەرنامەی لەگەڵ رەنج لە شەوی یەكشەممە 02-07-2023دا لە تەنیشت خێوەتەكە جووتیارە ناڕەزاییەكانیان دواند.
خێوەتەكە داگیركارییەكی راگرتووە
سامی غەفوور، وەك نوێنەرێكی جووتیارانی كورد لە بەرنامەكەدا قسەی كرد‌و باسی لەوە دەكرد تاوەكو ئێستا كەس بەدەنگیانەوە نەهاتووە ئەو دەڵێت "پەیوەندییمان پێوە دەكرێت و هەوڵمان بۆ دەدەن، بەڵام تاوەكو ئێستا هیچی وامان بۆ نەكراوە كە دڵخۆشكەر بێت".
وەك ئەو جووتیارە كوردە جەختی لەسەر كردەوە، بڕیاری دروستكردنی یەكەی نیشتەجێبوون لەسەر زەوییەكانی كورد و توركمان لە تۆپزاوا بۆ سەربازانی سوپای عێراق دراوە سامی غەفوور دەڵێت "تاوەكو ئێستاش بڕیارەكە بەركارە و هیچ گۆڕانێكی بەسەردا نەهاتووە؛ تەنیا شتێك كە پڕۆژەكەی راگرتووە، ئەم خێوەتەیە كە وەك ناڕەزایەتی هەڵمان داوە".
سامی چەند جارێك دڵنیایی ئەوەیدا كە بەهیچ شێوەیەك ئامادە نین دەستبەرداری زەوییەكانیان بن "دەستبەرداربوون لەم زەوییانە، واتای دەستبەرداربوونە لە ژیانمان؛ هەموو ژیان و بژێویمان لەسەر ئەم زەوییانەیە؛ بۆیە داوا لە سەرۆك بارزانی و كاك بافڵ تاڵەبانی دەكەم، بانگمان بكەن و لە نزیكەوە گوێ لە داواكارییەكانمان بگرن".
"بە هەوڵی سەرۆك بارزانی، لیژنەی مادەی 140 كارا كرایەوە"
نەجوا كاكەیی، پەرلەمانتاری فراكسیۆنی پارتی لە پەرلەمانی عێراق وەك میوانێكی دیكەی بەرنامەكە ئەوەی روونكردەوە كە بە هەوڵی سەرۆك بارزانی لیژنەی مادەی 140 لەم كابینەیەی حكومەتی عێراقدا كارا كرایەوە و گوتیشی "لە خولەكانی پێشووی پەرلەمانی عێراقدا داكۆكی زۆر لە مافی جووتیارانی كوردی كەركووك كراوە، بەڵام لەم خولەدا توانیومانە مادەی 140 كارا بكەینەوە".
نەجوا كاكەیی باسی لەوەش كرد كاتێك بیستویانە سوپا رێگە بە دروێنەكردنی گەنمی جووتیارانی كەركووك نادات، لەگەڵ وەزارەتی بەرگری قسەیان كرد و سێ ئەفسەری باڵای سوپایان هێناوە بۆ ئەوەی دواتر حاشای لێنەكەن و ببینن هەمەڕی سەربازی لەنێو گوندەكان رێگە نادات جووتیارانی كورد بەرهەمەكانیان بدروونەوە.
ژووری ئۆپەراسیۆنەكانی كەركووك بە پەرلەمانتارانی كوردی گوتووە، ئەوان رێنماییەكیان بۆ چووە و بەپێی رێنماییەكە مامەڵە دەكەن و رێگە نادەن جووتیاران لەو زەوییانە كار بكەن كە وەزارەتی بەرگری بە موڵكی خۆیانی دەزانێت، لەبەرئەوەی ئەو زەوییانە لە سەردەمی دەسەڵاتی بەعسدا بەشێكیان خراونەتە سەر وەزارەتی بەرگری و بەشێكیش بۆسەر بەڕێوەبەرایەتی خۆجێیی كەركووك. بە گوتەی نەجوا كاكەیی، "لە ساڵی 2003 كە خەڵك گەڕانەوە سەر زەوییەكانیان ئەو بڕیارانە بەرەو كاڵبوونەوە رۆیشتن".
ئەو فشارەی لە تۆپزاوا و تەركەڵان هەیە لە تازە و حەویجە نییە
ئەو پەرلەمانتارەی پارتی لە پەرلەمانی عێراق گوتیشی "لە ساڵی 2017ـەوە گوشارەكان بۆسەر جووتیارانی كورد و توركمان لە تۆپزاوا و تەركەڵان روویان لە زیادبوون كردووە، لەكاتێكدا لە تازە و حەویجە كە ئەوانیش سەر بە كەركووكن، ئەو گوشارە نییە".
نەجوا كاكەیی باس لە هەوڵەكانی سەرۆك بارزانی بۆ چارەسەری كێشەی جووتیارانی كەركووك دەكات و ئەوە دەخاتەڕوو "ئەگەر سەرۆك بارزانی پەیوەندی بە سەرۆكوەزیرانی عێراقەوە نەكردبا، ئێستا جووتیارانی كورد لە كەركووك نەیاندەتوانی بەروبوومە كشتوكاڵییەكانیان كۆبكەنەوە".
"پەرتەوازەیی لایەنە سیاسییەكانی كوردستان ئەو دۆخەی دروستكردووە"
سەباح شێخ حەبیب، پەرلەمانتاری فراكسیۆنی یەكێتی لە پەرلەمانی عێراق وەك میوانێكی دیكەی بەرنامەكە پێیوایە پەرتەوازەیی لایەنە سیاسییەكان بووەتە هۆی ئەوەی تاوەكو ئێستا مادەی 140 جێبەجێ نەكرێت و گوتی "حكومەتی هەرێمی كوردستان و لایەنە سیاسییەكان یەكگرتوو نەبوون بۆ چارەسەركردنی پرسی مادەی 140 و ئەگەر هەرێمی كوردستان لە دانوستاندنەكان لەگەڵ بەغدا لەسەر مادەی 140 یەكگرتوو و رژدتر بووبا، ئێستا ئەو مادەیە دەمێك بوو جێبەجێكرابوو".
پەرلەمانتارەكەی یەكێتیی نیشتمانیی كوردستان لە پەرلەمانی عێراق ئەوەشی خستەڕوو ئەوان كە 63 پەرلەمانتاری كوردن لە پەرلەمانی عێراق، بەڵام زۆرجار ئەركە نەتەوەیی و نیشتمانییەكانیان بەهۆی پەرتەوازەبوونیان وەكو پێویست جێبەجێ ناكەن گوتیشی "ئێستاش بۆ چارەسەری دۆخی جووتیارانی كورد، تاكە چارەسەر یەكگرتوویی لایەنە سیاسییەكانی هەرێمی كوردستانە بۆ ئەوەی بتوانین پێكەوە رێگەچارەیەكی سیاسی بدۆزینەوە".
"دەستێوەردانی سوپای عێراق كێشەكانی قووڵتر كردووە"
محەممەد ئەمین، جووتیار لە سنووری كەركووك پێیوایە، دەستوەردانی سوپا لە كێشەی زەویوزارەكانیان یەك لە كێشە هەرە گەورەكانە و وەكو ئاماژەی پێدەدات، "سوپا بووەتە ئامرازێك بۆ راگرتنی كشتوكاڵی ئێمە؛ چووینەتە لای فەرماندەی ئۆپەراسیۆنەكانی كەركووك بۆ ئەوەی رێگەمان بدرێت گەنمەكانمان دروێنە بكەین، دەڵێت نووسراوی وەزیری بەرگرییم لایە كە رێگەم نادات بهێڵم كاری كشتوكاڵی بكەن".
بە گوتەی ئەو جووتیارە كوردە، هەموو رۆژێك سوپا دەچێت بۆ ناوچەكەیان و گوتیشی "هەر جووتیارێك ببینن لەسەر زەوییەكەی كار دەكات، لە كارەكەی رایدەگرن یان دەستگیری دەكەن".
"یەك ملیۆن و 200 هەزار دۆنم زەوی، مەترسیی داگیركردنی لەسەرە"
محەممەد ئەمین باس لە دوو بڕیاری دەسەڵاتی بەعس دەكات كە بووەنەتە هۆی ئەوەی یەك ملیۆن و 200 هەزار دۆنم زەویی جووتیارانی كورد و توركمان داگیربكرێت و دەڵێت، ئەگەر لایەنە سیاسییەكان كار بۆ هەڵوەشاندنەوەی ئەو بڕیارانە نەكەن، ئەو زەوییانە بەتەواوەتی داگیر دەكرێن.
كۆی زەوییەكانی كەركووك بە دوو بڕیاری لیژنەی كاروباری باكوور و ئەنجوومەنی سەركردایەتی شۆڕش داگیركراون. بە گوتەی محەممەد ئەمین، "تەنیا بەهۆی بڕیارەكانی ئەنجوومەنی سەركردایەتیی شۆڕشەوە 300 هەزار دۆنم زەوی جووتیاران و بەهۆی بڕیارەكانی لیژنەی كاروباری باكووریشەوە 900 هەزار دۆنم زەوی داگیركراون، كە دەكاتە تێكڕا یەك ملیۆن و 200 هەزار دۆنم زەوی كورد و توركمانی كەركووك".
لەبەرێوەبەرایەتی كشتوكاڵی كەركووك نوسراوەكان دەشاردرێتەوە
ساڵی 2012 بڕیارێك دەرچوو بۆ پووچەڵكردنەوەی بڕیاری ژمارە 17ـی ساڵی 1976 كە بەپێی بڕیارەكە زەوی كشتوكاڵی لە كورد و توركمان وەرگیرا و درایە عەرەبی هاوردە. شكار مەردان، پارێزەرە وەك میوانێكی دیكەی بەرنامەكە پێیوابوو "ئێستاش كار بە بڕیارەكەی ساڵی 2012 ناكرێت و بەڕێوەبەرایەتی كشتوكاڵی كەركووك پاڵپشتی لە عەرەبی هاوردە دەكات و گرێبەستەكانیان بۆ نوێدەكاتەوە".
بە گوتەی ئەو پارێزەرە كوردە، "لە وەزارەتی كشتوكاڵی عێراقەوە چەندین جار نووسراویان بۆ بەڕێوەبەرایەتی كشتوكاڵی كەركووك ناردووە بۆ ئەوەی كار بە بڕیاری ساڵی 2012 بكرێت، بەڵام ئەو نووسراوانە شاردراونەتەوە و كاریان پێ نەكراوە".
لەبارەی بڕیاری سەرۆكی لیژنەی مادەی 140 بۆ هەڵوەشاندنەوەی بڕیارەكانی سەردەمی بەعس، شكار مەردان دەڵێت، "لە 12ـی تەممووزی 2023 بڕیارەكە لەلایەن هادی عامرییەوە دەرچوو و وەزارەتی كشتوكاڵی عێراق 25ـی تەممووز واژۆی لەسەر كردووە. بڕیارە دوای پشووی جەژنی قوربان رادەستی بەڕێوەبەرایەتی كشتوكاڵی كەركووك بكرێت و چاوەڕێین بزانین ئاخۆ جێبەجێی دەكەن یان نا".
"بەرپرسانی كورد و توركمان كەمتەرخەمن"
هەر لە بەرنامەكەدا حوسێن مەردان، نوێنەری جووتیارانی توركمانی شیعە گلەیی لە بەرپرسانی سیاسی كورد و توركمان دەكات و دەڵێت، "لە سەردەمی بەعسەوە ستەم لەسەر هەردوو نەتەوەی كورد و توركمانی كەركووك بەردەوامە؛ 32 رۆژە بەیەكەوە لەژێر خێوەتێكدا مانمان گرتووە لە بەرامبەر ئەو یاسایانەی سەردەمی بەعس كە تاوەكو ئێستاش بەركارن".
نوێنەرەكەی جووتیارانی توركمانی شیعەی كەركووك باس لەوەش دەكات ماوەی 20 ساڵە حكومەتی نوێ لە عێراق دامەزراوە، بەڵام تاوەكو ئێستا ئەو بڕیارانەی سەردەمی بەعس هەڵنەوەشێندراونەتەوە و زەوییەكان بۆ خاوەنەكانیان نەگەڕێنراوەتەوە، ئەو گوتیشی "بۆ ئەمەش گلەییمان تەنیا لە بەغدا نییە، بەڵكو گلەییەكەمان لە بەرپرسانی كورد و توركمانە كە لەو پێناوەدا كاری جیدیان نەكردووە". حوسێن مەردان جەختی لەوە كردەوە "كورد و توركمان لە كەركووك وەكو یەك ستەمیان لێكراوە و بۆ لادانی ئەو ستەمەش دەبێ ئێستا بەیەكەوە كار بكەن و یەكگرتوو بن".
ئەم بەرنامەیە شەوی 02-07-2023 بەشێوەیەكی راستەوخۆ پێشكەش كراو میوانە سەرەكییەكانیش پێكهاتبوون لە
1- نەجوا كاكەیی، پەرلەمانتاری فراكسیۆنی پارتی لە پەرلەمانی عێراق
2- سەباح شێخ حەبیب ، پەرلەمانتاری فراكسیۆنی یەكێتی لە پەرلەمانی عێراق
3- محەممەد ئەمین، جووتیار لە سنووری كەركووك
4- ساتع ناسیح، جووتیار لە تۆپزاوای كەركووك.
5- شكار مەردان، جووتیاری كورد لە كەركووك
6- حوسێن مەردان، نوێنەری جووتیارانی توركمانی شیعە
7- سامی غەفوور، نوێنەری جووتیارانی كورد لە كەركووك
به‌شی بكه لە
