هەژی و هەنی - 18

ئەم بەرنامەیەی هەژی و هەنی لە باکووری کوردستانە و هەژی چووەتە دوو ناوچەی جیاواز ، لەلایەکەوە باسی گۆرانی و میوزیک دەکات و لەلایەکی دیکەشەوە باسی شانۆ و زمانی کوردی لە باکووری کوردستان، هەژی و هەنی لەبەرنامەکەیان دوو فیچەریان بۆ ئامادەکردوون.

لە فیچەری یەکەمدا کە لەناوچەی شەمزینان تۆمارکراوە ، هەژی دەچێتە ناو گرووپێکی منداڵان بۆ میوزیک و گۆرانی و دوو دەنگخۆش کە هەردووکیان ناویان محەممەدە و دەنگێکی خۆشیان هەیە چەند گۆرانییەک دەڵێنەوە، ئەو بەشەی بەرنامەکە کە لەناو سروشتی  جوانی شەمزینان وێنەگیراوە بە ژەنینی ئامێری تەمبور بە کۆمەڵ و گوتنەوەی گۆرانی (ئای دلبەرێ) لەلایەن محەممەدەوە سروشتی ناوچەکەی جوانتر کردووە.

لە فیچەریت دووەمدا ، باسی سەنتەرێکی تایبەت بە شانۆ دەکەین لە شاری مێردین، لە سەنتەرەکەدا جگە لەوەی شانۆ بە زمانی کوردی لەلایەن منداڵانەوە  نمایش دەکرێن ، بووەتە سەنتەرێکیس بۆ فێربوونی زمانی کوردی لەلایەن منداڵاننی ناوچەکە، لە فیچەرەکەدا ماموستای سەنتەرەکە و منداڵانی بەشداربووش قسە دەکەن و زیاتر باسی کاروچالاکی خۆیان دەکەن.