سەلام عەبدوڵڵا | سەرنووسەری رۆژنامەی خەبات
04:30
سەلام عەبدوڵڵا: دەبێت حیزبایەتی بۆ خزمەتی گەل بێت
09:15
سەلام عەبدوڵڵا: جەمال نەبەز ناوی پاسۆکی دانا
10:00
سەلام عەبدوڵڵا: کاک ئارام کەسایەتییەکی بیر فراوان و رۆشنبیر بوو
لە رۆژێكی گەرمی هاوینی 1976 و دوای نسكۆی شۆڕشی ئەیلول، لە ژووری میوانی ماڵێكی قۆڕینی سابوونكەرانی سلێمانیدا، كە ماڵی كارمەندێكی تەندروستییە و هاوكات ئەندامی كۆمەڵەی ماركسی لینینی كوردستانە، دوو گرووپ (كۆمەڵەی ماركسی لینین) و (پاسۆك) بە نهێنی كۆبوونەتەوە و گفتوگۆ دەربارەی چوونە دەروەی كۆمەڵێك پێشمەرگە دەكەن بۆ شاخ، سەرپەرشتیاری گرووپی كۆمەڵەی ماركسی لینین شەهید ئارام و سەرپەرشتیاری گرووپی پاسۆكیش ئازاد مستەفا دەبێت.
لەو دانیشتنەدا شەهید ئارام داوا لە گرووپی پاسۆك دەكات، كە ئەو كاتە ناویان (پارتی سوسیالیستی نەتەوەیی كورد) بووە دواتر جەمال نەبەز ناوەكەی گۆڕیون بۆ پاسۆك، كە 10 پێشمەرگەیەكیان بۆ پەیدابكەن تاوەكو لەگەڵ 10 پێشمەرگەی خۆیاندا ببنە 20 پێشمەرگە و دواتر بیاننێرنە شاخ. لەو كاتەدا سەلام عەبدوڵڵا كە لە گرووپی پاسۆكە دەڵێت "دەتوانین 10 پێشمەرگە پەیدابكەین". ئازاد مستەفاش دەڵێت "بەو جۆرە نابێت، با پرسێك بە رێكخستنەكان بكەین وەڵامتان دەدەینەوە". پاش ئەو دانیشتنە، چەندجارێك شەهید ئارام داوا لە سەلام عەبدوڵڵا دەكات بۆ 10 پێشمەرگەكە وەڵامی بدەنەوە، ئەویش بە ئازاد مستەفا دەڵێت "دەبێت وەڵامی كاك ئارام بدەینەوە ئەم دەستی بە دەستیكردنە باش نییە".
ئازاد مستەفا بڕیاردەدا لە نزكیترین كاتدا وەڵامیان بداتەوە، لە دوای سێ هەفتە ئێواریەك ئازاد مستەفا و سەلام عەبدوڵڵا بە پیاسە بە (جادەی سجن)دا سەردەكەون، ئازاد مستەفا پەڕە كاغەزێكی بچووك لە گیرفانی پانتۆڵەكەی دەردەهێنێت و دەڵێت "س + ص یەكسانە بە سفر و س+ ص + ع یەكسانە سفر". بەو جۆرە چەند هاوكێشەیەكی بیركاریانە دەخوێنێتەوە، سەلام عەبدوڵڵاش بە سەرسوڕمانەوە دەپرسێ ئەوە چییە؟ ئەویش پێیدەڵێت ئەوە بۆچوونی رێكخستنەكانە لەپێناو ئاشكرانەبوون بە هێما نوسراوە لەسەر پرسی نەناردنە دەرەوەی پێشمەرگە. پێشی دەڵێت "بە كاك ئارام بڵێ كە تاوەكو پێج ساڵی دیكەش" ئەوان وەك پاسۆك ئامادەنین پێشمەرگە بنێرنە دەرەوە. سەڵام عەبدوڵڵا وەڵامەكە بە ''شەهید ئارام'' دەداتەوە "كاك ئارام وەڵامەكەی پێناخۆش بوو، بەڵام پێشی گوتم ئەی بۆچوونی خۆت چییە؟ منیش بەبێ گوێدانە بیركردنەوەی ئایدۆلۆژیانە گوتم من لەگەڵ ئەوەم ببمە پێشمەرگە".
سەلام عەبدوڵڵا باسی لایەنێكی دیكەی ژیانی ئازاد مستەفا دەكات كە زۆر گرنگی بە زمانی كوردی و شیعری كلاسیك داوە "ئەگەر تەمەن مەودای بدایە ئازاد مستەفا دەبووە بیرمەندێكی نەتەوەیەتی". بەپێی گێڕانەوەکانی سەلام عەبدوڵڵا لە بەرنامەی گفتوگۆی ناڵۆن، لەبەر چاویلكە گەورەکەی نەبوایە، ''کاک ئارام'' خەڵک کاک ئارامیان وەکو كرێكارێكی ئاسایی دەبینی "یەكەمجار كە خۆم بینیم لە كرێكارێكی ئاسایی دەچوو، بەڵام كە دەكەوتە قسەكردن ناچار دەبووی گوێی بۆ بگریت".
به‌شی بكه لە
