فیچەر - لە گوندی درین شێخ پەنیری کوردی بەرهەمدەهێنرێت

درین شێخ یەکێکە لە گوندە جوان و سەرنجڕاکێشەکانی کوردستان، خەڵکەکەی بە ئاژەڵداری و کشتوکاڵەوە سەرقاڵن، ژنانی ئەم گوندە بەیانیان زوو ئاژەڵەکان دەدۆشن و لە شیرەکەی 10 جۆر بەرهەمی سپیایی دروستدەکەن.

زەهرا جەوهەر، ژنێکی گوندەکەیە و هەموو رۆژێک پەنیر و ماست و جۆرەکانی دیکەی سپیایی دروستدەکات. دەڵێ : پەنیری درین شێخ زۆر بەناوبانگە و لە بازاڕیش نامێنێتەوە، چونکە خاوێنە و بێ فێڵە. 

لە گوندی درین شێخ نزیکەی 3 هەزار سەر ئاژەڵی گەورە و بچووکی لێیە، هەروەها گوندەکە بە یەکێک لە پاکترین گوندەکانی کوردستان دادەنرێت و خەڵکی لەم گوندە بە هیچ جۆرێک جگەرە ناکێشن. واتە جگەرەو هاوشێوەکانی بە هەموو شێوەیەک قەدەخەیە.