فیچەر - ناوەندی کوردستان بەڵگەنامەی مێژوویی دەپارێزێ

ناوەندی کوردستان سەر بە زانکۆی سلێمانییە و لەکۆتایی ساڵی 2018 دامەزراوە، 14 کتێبیان چاپکردووە و چەندین دیدار و کۆنفڕانس و سیمیناریان لەبارەی مێژووی دەستنووس و بەڵگەنامە کردووە.

لە ناوەندی کوردستان بۆ دۆکیۆمێنت و لێکۆڵینەوەی ستراتیژی  زیاتر لە 6200 دەستنووس و نزیکەی 300 هەزار بەڵگەنامەی ئۆرجینال و دیجیتاڵی ئەرشیفکراون کە پەیوەستن بە کوردەوە، مێژووی بەشێکیان دەگەڕێتەوە بۆ  نزیکەی هەزار ساڵ پێشتر.

لەم ناوەندە دەستنوس و بەڵگەنامە مێژووییەکان دەدۆزرێنەوە، ناساندنیان بۆ دەکرێت، هەڵسەنگاندن و توێژینەوەیان لەسەر دەکرێت، پاشان بەدیجیتاڵ و ئۆرجیناڵ ئەرشیفیان دەکەن.

لە ساڵی 2022ەوە زیاتر لە 100 کەس بۆ بڕوانامەی ماستەر و دکتۆرا و سەتان قوتابی زانکۆ سوودیان لە دەستنووس و بەڵگەنامەکانی ناوەندەکە وەرگرتووە.