فیچەر - حەمەدەمین ئازەریوون 464 گۆرانی بۆ محەممەدی ماملێ تۆمارکردوون

هەمەدەمین ئازەریوون خەڵکی شاری پیرانشاری رۆژهەڵاتی کوردستانە. لە ساڵی 1956 لەدایکبووە. لە تەمەنی 17 ساڵی ئاشنای محەممەدی ماملێ دەبێت و تۆمارکردنی گۆرانییەکانی بە ئەستۆی خۆی دەگرێت. 

ئەوکات ئازەریوون تۆمارگەی لەنێو بازاڕی پیرانشار هەبوو. هەر کاتێک محەممەدی ماملێ پەیوەندی پێوە کردبایە، دەچوو 
گۆرانییەکانی تۆماردەکرد. 

لە ماوەی ژیانیدا تاوەکو کۆچی دوایی ماملێ 58 کاسیێتی بۆ تۆمارکردوون کە 464 گۆرانی لەسەرن. دەگوترێ ماملێ 700 گۆرانی گوتووە. 600 گۆرانی لەلای ماملێ پارێزراون، کە هەیانە تاوەکو ئێستا بڵاونەکراونەتەوە.