فیچەر - دەشتی گەرمیانی لە قۆچی ئاژەڵ پەیکەر دروستدەکات

دەشتی گەرمیانی یەکێکە لە پەیکەرتاشەکانی کورد لە گەرمیان، 12 ساڵە کاری پەیکەرتاشی دەکات. زۆر شوێنەوار و کەلوپەلی مێژوویی دروستکردوونەتەوە. بەشێک لە پەیکەرەکانیشی مۆدێرنن.
دەشتی دەڵێ ''ئەو کەرەستانەی کاری لەسەر دەکەم شاخی ئاژەڵ، بەرد و دارن، کارکردن لەسەر دار زۆر ئاسانە بەڵام ناسکە و هەندێکجار دەشکێن، قورسترین کار لەسەر قۆچی ئاژەڵە. چونکە زۆر ڕەقە''.

دەشتی پەیمانگەی کۆمپیۆتەری تەواوکردووە. بەلام زۆر حەزی بە پەیکەرتاسی و کاری هونەرییە. جگە لە پەیکەرتاشی کاری خۆشنووسیش دەکات، دەشتی دەستوخەتی خۆش نییە، بەڵام براکەی بۆی دەنووسێت و ئەویش کاری هەڵکۆڵینەکە دەکات. 
دەشتی پێشانگەی تایبەتی خۆی هەیە و بەشداری لە 10 پێشانگەی بە کۆمەڵیش کردووە.