بەکارهێنانەکانی فیلەر لە جوانکاریدا

بەرنامەیەکی نوێی دکتۆر ئاراسە.. لەم بەرنامەیەدا پزیشكێكی پسپۆڕی پێست و جوانکاری لە ستۆدیۆ فیلەر بۆ خانمێك دەکات، دەڵێت نە هەموو کەسێك دەتوانێت فیلەر بۆ خەڵک بکات، نە دەکرێت فیلەر بۆ هەموو کەسێكیش بکرێت.

د. سومەیە رەئوف، پزیشكی پسپۆڕی نەخۆشییەکانی پێست و جوانکاری دەڵێت نابێت خانمە گەنجەکان بەتایبەت ئەوانەی لێویان پڕە و جوانە دەستکاری پێست و لێویان بکەن و فیلەریان بۆ بکرێت، چونکە شێواوی لە شێوەی رووخساریان روودەدات و ناشیرینیان دەکات.

پزیشکە پسپۆڕەکەی پێست دەڵێت زۆرجار کەسانی نا پسپۆڕ فیلەر دەکەن، بەڵام ئەمە مەترسیدارە، ئەو دەڵێت: "رەنگە ئەوان لە ئەنجامدانی کارەکە شارەزابن، بەڵام توێکاری و کارئەندامزانی جەستە نازانن و گرفت بۆ نەخۆشەکە دروستدەکەن".

یەکێك لە بڕگەکانی ئەم بەرنامەیە تایبەتە بە شەپۆلەکانی مۆبایل، پرۆفیسۆرێكی یاریدەدەر، د. مازن عەبدولخالق لە ستۆدیۆ باسی مەترسییەکان دەکات و نموونەیەکیش دەگێڕێتەوە، ئەوەش دەڵێت لەو شوێنانەی شەبەکەی مۆبایل خراپە، مەترسییەکان زیاترن. بینەری بەرنامەکە بن، بەشێكی دیکەی تایبەتە بە سەدەف، د. سومەیە بە وردی باسی دەکات.