کۆمەڵکوژی مەڕەش

کۆمەڵکوژی مەڕەش یەکێکە لە تراژیدیا هەرە ترسناکەکانی مێژووی کورد، بەتایبەت کوردە عەلەوییەکان، ئەم رووداوە کە بە کۆمەڵکوژی مەڕەش ناسراوە لە 19ی مانگی کانووی یەکەمی ساڵی 1978 لە شاری مەڕەشی باکووری کوردستان دەستیپێکرد و ماوەی چەند رۆژێک بەردەوام بوو، بووە هۆی کوشتنی زیاتر لە 500 کوردی عەلەوی شارەکە و وێرانکردنی ماڵ و دووکان و شوێنە گشتییەکانی کوردەکان و هەروەها ئاوارەبوونی سەتان کەسی دیکە لە شارەکە.

کۆمەڵکوژییەکە نموونەیەکی زەقە لە سیاسەتی پاکتاوی ئیتنی و ئایینی بەرامبەر بە کەمینەکان لە باکووری کوردستان پەیڕەو کراوە.

لەم بەڵگەفیلەی رووداو دا چۆنیەتی دەستپێکردن و هۆکاری و دەرەنجامەکانی کۆمەڵکوژییەکە دەخاتەڕوو بە پشتبەستن بە قسەی شایەتحاڵەکانی رووداوەکە.

 

دەرهێنەر: محەممەدئەمین دەمیر

پرۆدیوسەر: فورات کەلەهکی

مۆنتاژ:  دیار مەرجان

بەرهەمی ساڵی 2024