لە سنووری کانی ماسێ 'بەهۆی تەقینەوەیەکی تورکیا' 3500 دۆنم زەوی سووتا
رووداو دیجیتاڵ
رووداوێکی ئاگرکەوتنەوە لە کۆمەڵگەی بریفکا لە سنووری کانی ماسێ 3500 دۆنم زەوی سووتاند. سەرۆکی شارەوانیی کۆمەڵگەکە هۆکارەکەی بۆ "تەقینەوەیەکی سوپای تورکیا" دەگەڕێنێتەوە. جووتیارانی زیانلێکەوتووی کۆمەڵگەکە داوای قەرەبووکردنەوە دەکەن.
رووداوەکە رۆژی چوارشەممەی رابردوو کاژێر 10:00ـی بەیانی روویداوە. نەجمەدین تەمەر، جووتیارێکی کۆمەڵگەی بریفکا، لە بەرنامەی بەرپرسیاری تۆڕی میدیایی رووداو، گوتی: "تەقینەوەیەک روویدا و ئاگرکەوتەوە، پێموایە تۆپ بوو. پەیوەندیمان بە تیمی ئاگرکوژێنەوە کرد و تاوەکو گەیشتن ئاگرەکە لە کۆنتڕۆڵ دەرچوو."
بهشی بكه لە