ئەمێریکراسی -ئازادی کاری میدیا و کاریگەرییان لەسەر هەڵبژاردنی سەرۆکایەتیی ئەمریکا

ئەمێریکراسی شۆیەکی گفتوگۆ ئامێزە لەنێوان چوار رۆژنامەڤانی رووداو، کە لە گۆشەنیگای جیاوازەوە و بە ئەزموونی خۆیانەوە هەوڵدەدەن روونیبکەنەوە، ئەوەی ئێستا لە ئەمریکا روودەدات چییە.

لەم بەرنامەیەدا چوار رۆژنامەڤانەکەی رووداو باسی ئازادی کاری میدیا و کاریگەرییان لەسەر هەڵبژاردنی سەرۆکایەتیی ئەمریکا دەکەن، ئەوان گەنگەشەی ئەوە دەکەن لەو وڵاتە بۆچی کاری میدیایی بەو جۆرە ئازادە و چۆن ئاسانکارییان بۆ کراوە و میدیاکانی ئەو وڵاتە چۆن رووماڵی بانگەشە و پرۆسەی هەڵبژاردن دەکەن کێین ئەو میدیانەی پشتگیری کاندیدەکان دەکەن

رۆژنامەڤانەکان بریتین لە نامۆ عەبدوڵڵا، هێمن عەبدوڵڵا، رێباز عەلی و دیار کوردە تایبەتمەندی شۆیەکە لەوەدایە کە دوو رۆژنامەڤانی بەشدار، نامۆ عەبدوڵڵا و رێباز عەلی، کوردستانی و ئەمریکین و ساڵانی زۆریش لە واشنتن کاریانکردووە. دیار کوردەش بەرێوەبەری ئۆفیسی رووداوە لە ئەمریکا واتە ژینگەی ئەوێ دەناسن و کاتێک قسە دەکەن و کۆدشکێنی دەکەن بۆ کەمپەینەکان لەڕووی ناسین و ئەزموونەوە قسەدەکەن.