پارێزگاری کرماشان سەردانی هەڵەبجەی کرد؛ 'کردنەوەی دەروازەی سنووریی سازانی تاوتوێ کرد'
بەگوتەی پارێزگاری هەڵەبجە، هەردوو لا یاداشتێکیان بۆ پێکهێنانی لیژنەیەکی هاوبەش واژۆکردووە، بۆ ئەوەی بە سەرپەرشتیی قایمقامی کرماشان و هەڵەبجە و بە ئەندامیێتیی بەڕێوەبەری گشتیی وەبەرهێنان، کشتوکاڵ، شارەوانی و گەشتوگوزاری هەردوولا، هەوڵبدرێت لە شەش مانگی داهاتوودا کاری دەروازەی سنووریی سازان، وەبەرهێنان و پەیوەندیی کشتوکاڵیی نێوانیان بچێتە بواری جێبەجێکردنەوە و بخرێتە خزمەت خەڵکی هەردوو پارێزگا.
