لە شەڕی نێوان دوو خێزان لە تورکیا دایکێک و دوو کوڕی کوژران

 

بەگوێرەی زانیارییەکان، درەنگی شەوی دووشەممە 29ـی تەممووز، لە گوندی "کوچوک کونەی" سەر بە شارۆچكەی دەڤەلی، لەسەر دەمەقاڵەی منداڵان گرژی لە نێوان "نورای داباز" ـی تەمەن 55 ساڵ و "س. ئا."ـی تەمەن 55 ساڵ روویداوە و دواتر بووە بەشەڕیان. 

 

ئەندامانی دیکەی هەردوو خێزان چوونەتە نێو شەڕەکەوە. "س. ئا." تەقەی لە نورای و هەردوو کوڕەکەی عەلی داباز و سەرکان داباز کردووە کە یەکێکیان تەمەنی 36 و ئەوەی دیکەیان تەمەنی 40 ساڵە. 

 

دوای گەیشتنی تیمەکانی پۆلیس و تەندروستی بۆ شوێنی رووداوەکە، دەرکەوت دایکەکە و هەردوو کوڕەکەی لە شوێنی رووداوەکە کوژراون. تەرمەکانیان گوازرایەوە بۆ بەشی هەڵگرتنی مردووی نەخۆشخانەی دەوڵەت لە شارۆچکەی دەڤەلی. 

 

تیمەکانی پۆلیس "س. ئا." ـیان دەستبەسەکرد، لێکۆڵینەوە لە رووداوەکە بەردەوامە.