103 کۆچبەری نایاسایی لە تورکیا دەستبەسەر کران

 

 

رۆژی سێشەممە 29-10-2024 فەرماندەیی ئاسایشی کەناراوەکانی تورکیا بڵاویکردەوە، لە دوو ئۆپەراسیۆنی هێزە ئەمنییەکانیاندا لە کەناراوەکانی شارۆچکەی فەتحییە لە پارێزگای موغڵا، 103 کۆچبەری نایاساییان دەستگیرکردووە کە دەیانویست بچنە ئەورووپا.

 

لە یەکێک لە ئۆپەراسیۆنەکاندا 75 کۆچبەر دەستبەسەر کراون؛ دوو کەسیش بە تۆمەتی قاچاخیکردن بە کۆچبەران دەستگیر کراون.

 

لە ئۆپەراسیۆنێکی دیکەشدا 28 کۆچبەر دەستبەسەر کراون.

 

بەگوێرەی ئاماری وەزارەتی ناوخۆی تورکیا، لە هەشت مانگی سەرەتای ئەم ساڵدا 126 هەزار و 766 کۆچبەری نایاسایی لەو وڵاتە دەستبەسەرکراون و زۆربەشیان لەو کاتەدا بوون کە هەوڵیانداوە بچنە ئەورووپا.