ئیبراهیم تاتڵیسەس تووشی رووداوی هاتووچۆ بوو

 

 

رووداوەکە بەیانیی ئەمڕۆ پێنجشەممە 25ی ئابی 2022 لەسەر رێگەی بۆدروم - یالکاڤاک روویدا. ئەو ئۆتۆمبێلەی ئیبراهیم تاتڵیسەسی لەنێودا بوو لەگەڵ لۆرییەکدا پێکیاندا دا و دواتر وەرگەڕا.

 

لە رووداوەکەدا ئیبراهیم تاتڵیسەس لەنێو ئۆتۆمبێلەکەیدا گیریخوارد و بریندار بوو.

 

ژمارەیەکی زۆر لە تیمەکانی تەندروستی و بەرگریی شارستانی گەیشتنە شوێنی رووداوەکە. دوای هەوڵێکی زۆر تاتڵیسەس رزگار کرا و بە ئەمبوڵانس گوازرایەوە بۆ نەخۆشخانەیەکی تایبەت.

 

بەگوێرەی زانیارییەکان، لە کاتی رووداوەکەدا تاتڵیسەس کچەکەشی لەگەڵدا بووە.