دەم پارتی لە 17 شارەوانیی ئیستەنبووڵ بەربژێری هەن

 

دوای چەندین دیدار و کۆبوونەوە لەگەڵ پارتی گەلی کۆماری (جەهەپە) ، دەم پارتی لە 17 بازنە بەربژێری راگەیاندووە و لیستی رادەستی کۆمیسیۆنی باڵای هەڵبژاردنەکانی تورکیا کردووە. رۆژی شەممە، 24-2-2024، لیستی بەربژێرانی دەم پارتی بڵاوکرایەوە. 

لەبەر ئەوەی سیستمی دەم پارتی بۆ بەڕێوەبردنی شارەوانییەکان هاوسەرۆکایەتییە، بۆ هەر شارەوانییەک دوو کەس (ژنێک و پیاوێک) بەربژێر کراون. پێشتر دەم پارتی هەریەک لە مەراڵ دانش بێشتاش و موراد چەپبی وەکو بەربژێری گەورەشارەوانیی ئیستەنبووڵ راگەیاندبوو. هەروەها لە کۆی 39 بازنەی شارەوانییەکانی ئیستەنبووڵ، بەربژێری بۆ 17 بازنە راگەیاند.

 

رۆژی 31-3-2024 هەڵبژاردنی شارەوانییەکان لە تورکیا بەڕێوەدەچێت. دەنگدەران 30 گەورە شارەوانی، 51 شارەوانیی شارەکان و زیاتر لە 1000 شارەوانی شارۆچکەکان هەڵدەبژێرن؛ هەروەها دەنگ بە 20 هەزار و 745 ئەندامی ئەنجوومەنی شارەوانییەکان و هەزار و 272 ئەنجوومەنی گشتیی شارەکانیش دەدرێت؛ 50 هەزار و 229 موختاریش هەڵدەبژێردرێن.

 

لە هەڵبژاردنی شارەوانییەکانی ساڵی 2019دا ئاکپارتی 15 گەورەشارەوانی، جەهەپە 11 گەورەشارەوانی، هەدەپە 3 گەورەشارەوانی و مەهەپە 1 گەورەشارەوانییان بەدەستهێنا.

 

 

گەورەشارەوانیی ئیستەنبووڵ: مەراڵ دانش بێشتاش و موراد چەپبی

بەیکۆز: سەنەم یڵماز و رەجەب یڵماز

کادیکۆی: ڤەیسی ئێسکی و نیعمە چەلەبی ئەردۆغان

سوڵتان بەیلی: ئەرتان حەمیدئۆغڵو و رەحیمە کوچوک

ئومرانیە: ئەدیب ئاڵپاتا و زولفییە هازار

دوورگەکان: محەممەد غالیب ئاتاش و کریستین سەلەکمان

عەرنەڤوت کۆی: محەممەد کاراداخ و دوردانە بوڵگان

ئەسەنلەر: عیرفان هۆلاکۆ و گوڵشان کاڤاک

غازی عوسمان پاشا: ئەرجان ساغڵام و هولیا ئۆروچ

کاختهانە: بورهان داماڕڵی و سیدار یڵدز

سوڵتان غازی: ئەرۆڵ تونچ و فاتما یەنی

بێشیکتاش: ئادەم ئاکتاش

باکڕکۆی: مەدەنی ئاندۆک و ئەلیف تۆکای ئۆزتورک

باشاکشەهیر: کەوسەر شیشمان تاشدەمیر و عەبدوڵا کڵچ

بەیلیکدوزو: سیدار دومان ئۆنەر و نیعمەتوڵا کورت کاڤاکڵی

گیون گۆرەن: موزەفەر بۆزکوڕت و ئەڤیندار ئایسەل ئۆزداش

کوچوک چەکمەجە: بێریڤان دەمیر و رەمەزان چەتین چاکماک

بویوک چەکمەجە: موسا کارادەمیر و سەعادەت دوڕسون