ئیی پارتی ئامادە نییە لەگەڵ هەدەپە لەبارەی کورد کۆببێتەوە
رووداو - ئیستەنبووڵ
ئیی پارتی دوای حەوت مانگ لە دامەزراندنی بە چوارەم پارتی کاریگەری تورکیا لەقەڵەمدەدرێت.
ئیی پارتی لە مەهەپە جیابووەتەوە و لەم هەڵبژاردنەدا هاوسەرۆکەکەی بەربژێر کردووە بۆ سەرۆکایەتیی کۆماری تورکیا، بەڵام سەبارەت بە پرسی کورد، بەڕوونی نە لەکاتی دامەزراندنی نە لە کاتی بانگەشەی هەڵبژاردنەکەی 24ی حوزەیران ئامادەنەبوو باسی پرسی کورد بکات.
مەرال ئاکشنەر، سەرۆکی پارتەکە دەڵێت، شتێک بە ناوی پرسی کورد نییە، بەڵام هەوڵدەدەن کە دۆخەکە باشتر بکەن، بەڵام ئامادە نین لەگەڵ هەدەپە لەبارەی کورد هیچ رێککەوتنێک ئەنجام بدەن.
پێداچوونەوە؛ راوچی حەسەن