نوسرەت گۆکچە مزگەوتێک لە گوندەکەی خۆی لە باکووری کوردستان دەکاتەوە

نوسرەت گۆکچە، بەهۆی شێوازە جیاوازەکەی لەئامادەکردنی گۆشت، یەکێکە لە کەسایەتییە دیارەکانی تۆڕە کۆمەڵایەتییەکان. ئەو، کوردە و خەڵکی باکووری کوردستانە، لە دوایین چالاکیشیدا مزگەوتیکی لە گوندەکەی کردەوە.

نوسرەت گۆکچە، خەڵکی گوندی بێردکە لە باکووری کوردستان، کە حکومەتی تورکیا ناوەکەی گۆڕیوە بۆ گوندی پاشاڵی و سەر بە پارێزگای ئەرزڕۆمە. کەسوکاری نوسرەت هێشتا لە گوندی بێردک دەژین و بە زمانی کوردیش قسە دەکەن.

خەڵکی گوندەکە دەگێڕنەوە، دەڵێن نوسرەت هەتاوەکو تەمەنی گەیشتووەتە دوو ساڵ لەو گوندەی ئەواندا ژیاوە، بەڵام خانەوادەکەی رۆیشتوون.

ئێستاش ئامۆزاکانی نوسرەت لە گوندەکەیاندا ماون. محەممەد گۆکچە ئامۆزای نوسرەتە و دەڵێ "ئەو کوڕی مامی ئێمەیە. هەموومان نوسرەتمان خۆشدەوێت... ئەو ئێستا لە ئیستەنبوڵ دەژی و ئێمە لە گوندین".

نوسرەت گۆکچە جار جارە پاڵپشتیی لە پرۆژە خزمەتگوزارییەکان لە گوندەکەی خۆیدا دەکات، دوایین پرۆژەش دروستکردنی مزگەوتێکە، کە باوکی زۆر شانازی پێوە دەکات.

بەهۆی سەرقاڵبوونی بە کار و چالاکییەکانی، نوسرەت نەیتوانی لە مەراسیمی کردنەوەی مزگەوتەکە (کە مزگەوتێکی بچووکە و شوێنی مانەوە و ئامادەکردنی خواردنیشی تێدایە) ئامادەبێت، بەڵام لەڕێی تەلەفۆنەوە پەیوەندی پێوە کردن و وایکرد باوکی زیاتریش شانازی پێوە بکات.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger