رووداو دیجیتاڵ
دوو کەسی نەناسراو تەقەیان لە کۆنسووڵخانەی عێراق لە ئیستەنبووڵ کرد. ئاسایشی ئیستەنبووڵ دەڵێت، زیانی گیانی نەبووە.
ئەمشەو دوو کەسی نەناسراو تەقەیان لە باڵەخانەی کۆنسووڵخانەی عێراق لە گەڕەکی ئەسەنتەپە لە ناوچەی شیشلی لە ئیستەنبووڵ کرد.
بەپێی زانیارییە سەرەتاییەکانی ئاسایشی ئیستەنبووڵ، 9 گولـلە بەر باڵەخانەکە کەوتوون، بەڵام زیانی گیانی نەبووە و کەس بریندار نەبووە.
دوای رووداوەکە، هێزێکی زۆری ئاسایشی ئیستەنبووڵ بۆ پاراستنی کۆنسووڵخانەکە نێردرایە ناوچەی شیشلی. هۆبەی بەرەنگاربوونەوەی تیرۆر لە ئاسایشی ئیستەنبووڵ داوای لە هێزەکە کردووە، هێلەگی گولـلەنەبڕ لەبەربکەن بۆ ئەگەری هەر رووبەڕووبوونەوەیەک.
هاوکات وەزارەتی ناوخۆ فەرمانی بە ئاسایشی ئیستەنبووڵ کرد، هێزی زۆر بۆ پاراستنی تەواوی نێردە دیپلۆماسییەکان لەو شارە بنێرن و، رێگەکانی چوون و هاتن بۆ کۆنسووڵخانەکان دابخەن.
پۆلیسی ئیستەنبووڵ دەستی بە لێکۆڵینەوە کردووە بۆ دۆزینەوەی تەقەکەرەکان؛ گرتەی ڤیدیۆیی تەواوی کامێراکانی ناوچەکەی وەرگرتووە.
هەروەها ئاسایشی گشتیی تورکیا بۆ ئەم مەبەستە ژووری ئۆپەراسیۆنی پێکهێناوە.
دوو کەسی نەناسراو تەقەیان لە کۆنسووڵخانەی عێراق لە ئیستەنبووڵ کرد. ئاسایشی ئیستەنبووڵ دەڵێت، زیانی گیانی نەبووە.
ئەمشەو دوو کەسی نەناسراو تەقەیان لە باڵەخانەی کۆنسووڵخانەی عێراق لە گەڕەکی ئەسەنتەپە لە ناوچەی شیشلی لە ئیستەنبووڵ کرد.
بەپێی زانیارییە سەرەتاییەکانی ئاسایشی ئیستەنبووڵ، 9 گولـلە بەر باڵەخانەکە کەوتوون، بەڵام زیانی گیانی نەبووە و کەس بریندار نەبووە.
دوای رووداوەکە، هێزێکی زۆری ئاسایشی ئیستەنبووڵ بۆ پاراستنی کۆنسووڵخانەکە نێردرایە ناوچەی شیشلی. هۆبەی بەرەنگاربوونەوەی تیرۆر لە ئاسایشی ئیستەنبووڵ داوای لە هێزەکە کردووە، هێلەگی گولـلەنەبڕ لەبەربکەن بۆ ئەگەری هەر رووبەڕووبوونەوەیەک.
هاوکات وەزارەتی ناوخۆ فەرمانی بە ئاسایشی ئیستەنبووڵ کرد، هێزی زۆر بۆ پاراستنی تەواوی نێردە دیپلۆماسییەکان لەو شارە بنێرن و، رێگەکانی چوون و هاتن بۆ کۆنسووڵخانەکان دابخەن.
پۆلیسی ئیستەنبووڵ دەستی بە لێکۆڵینەوە کردووە بۆ دۆزینەوەی تەقەکەرەکان؛ گرتەی ڤیدیۆیی تەواوی کامێراکانی ناوچەکەی وەرگرتووە.
هەروەها ئاسایشی گشتیی تورکیا بۆ ئەم مەبەستە ژووری ئۆپەراسیۆنی پێکهێناوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ