ئەردۆغان لەبارەی ئاگری هۆتێلەکەی بۆڵو: لێپرسینەوە دەکرێت

21-01-2025
کۆسار عوسمان
کۆسار عوسمان @KassoOsman
A+ A-

رووداو دیجیتاڵ

سەرۆککۆماری تورکیا لەبارەی کەوتنەوەی ئاگر لە هۆتێلێکی پارێزگای بۆڵو رایگەیاند، لایەنی پەیوەندیدار دەستی بە لێکۆڵینەوە کردووە و هەموو هەنگاوێک بۆ لێپرسینەوە لەگەڵ ئەو کەسانە دەنرێت کە هۆکاری ئەو رووداوە بوون. 
 
لە کۆبوونەوەی رێکخستنەکانی ئاکپارتی لە ئەنقەرە، رەجەب تەیب ئەردۆغان باسی لە رووداوی کەوتنەوەی ئاگر لە هۆتێلەکەی بۆڵو کرد کە لە ئەنجامدا 66 کەس گیانیان لەدەستدا و 51ـی دیکەش بریندار بوون.
 
حکومەت چوار کەسی دەستگیرکردووە یەکێکیان خاوەنی هۆتێلەکەیە. ئەردۆغان گوتی: "بەداخەوە ئەم بەیانییە هەواڵێکی ناخۆشمان پێگەیشت. هۆتێلێک گڕی گرت و گیانلەدەستدان و برینداربوونی براکانمانی لێکەوتەوە. بە مەبەستی رۆشنکردنەوەی راستییەکان و لێپرسینەوە لەگەڵ بەرپرسانی رووداوەکە، هەموو هەنگاوێکی پێویست دەنرێت".
 
سەرۆککۆماری تورکیا راشیگەیاند، راستەوخۆ دوای رووداوەکە وەزیری ناوخۆ، وەزیری کار و دەستەبەری کۆمەڵایەتی، وەزیری تەندروستی و وەزیری کولتوور و گەشتیاریی حکومەتەکەی ناردووەتە پارێزگای بۆڵو.

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

دایکانی شەممە و دایکانی ئاشتی لە هۆڵی کۆبوونەوەیان لەگەڵ لیژنەکەی پەرلەمانی تورکیا.

سەرۆکی پەرلەمانی تورکیا: کۆبوونەوەی لیژنەکەمان لەگەڵ دایکانی شەممە و دایکانی ئاشتی پڕ واتا بوو

نوعمان کورتوڵموش، سەرۆکی پەرلەمانی تورکیا، رایگەیاند، کۆمیسیۆنی "پاڵپشتیی نیشتمانی، برایەتی و دیموکراسی" کە بۆ پرۆژەی "تورکیای بێ تیرۆر" دامەزراوە، تا 31ی کانوونی یەکەمی 2025 کارەکانی بەردەوام دەبێت و ئەگەر پێویستی کرد دوو مانگی دیکە درێژ دەکرێتەوە.