خەڵکی ئیستەنبوڵ بۆ جەژن روو لەدەرەوەی شارەکە دەکەن
رووداو-ئیستەنبوڵ
ئیستەنبۆڵ یەکێکە لەو شارانەی کە جەژنی زۆر بەزەقی پێوە دیارە، لەگەڵ نزیکبوونەوەی جەژن، نیوەی ئەو خەڵکەی کە لە ئیستەنبوڵ دەژین بە مەبەستی گەڕانەوە بۆ زێدی خۆیان ئەو شارەیان بەجێهێشتووە، حکومەتیش 9 رۆژی وەک پشوو راگەیاندووە.
لەلایەکی دیکەشەوە شەپۆلێکی گەشتیاری بیانیش رووی کردووەتە ئەو شارە، بەڕادەیێک کە قەرەباڵخی لە گەراج و فڕۆکەخانەکان پەیدابووە، رۆژی رابردوو کۆمپانیای تورکیش ئەیرلاین رایگەیاند، لە ماوەی ئەم چەند رۆژەدا رۆژانە 1500 گەشتیان ئەنجامداوە.