رووداو دیجیتاڵ
لە شاری ئیستەنبووڵ تەقە لە هاووڵاتییەکی فەلەستینی کرا و کوژرا، شۆفیر و پاسەوانەکەیشی برینداربوون.
رووداوەکە کاژێر 22:30 خولەکی شەوی رابردوو لە گەڕەکی حەمدییە لە ناوچەی کاغتهانەی ئیستەنبووڵ روویدا.
کەسێکی دەمامکدار بە دەمانچەیەکی بێدەنگ لە نێو ئۆتۆمبێلەکەی تەقەی لە هاووڵاتییە فەلەستینییە تەمەن 30 ساڵییەکە کرد کە وەبەرهێنەر بووە و لە ئەنجامدا کوژراوە.
هەر لە رووداوەکەدا شۆفیر و پاسەوانی ئەو هاووڵاتییەش برینداربوون. تەقەکەرەکە چەکەکەی لە شوێنی رووداوەکە فڕێداوە و هەڵاتووە.
پارێزگای ئیستەنبووڵ دەڵێت، "لەکاتی لێکۆڵینەوە لە شوێنی رووداوەکەدا دەمانچەیەکی بێدەنگ و چەندین قەوانێکی بەتاڵ دۆزراونەتەوە کە لە هێرشەکەدا بەکارهێندراون؛ ئەو دوو کەسەش برینداربوون لە نەخۆشخانە چارەسەر وەردەگرن".
پۆلیسی ئیستەنبووڵ هەڵمەتێکی بۆ دەستگیکردنی تەقەکەرەکە دەستیپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ