ئەنجوومەنی سەرکردایەتیی جەهەپە لەسەر بابەتی قەییووم کۆدەبێتەوە

 

کاژێر 12:00ـی ئەمڕۆ یەکشەممە 19ـی کانوونی دووەمی 2025، ئەنجوومەنی سەرکردایەتیی جەهەپە بە سەرۆکایەتیی ئۆزگور ئۆزەل لەبارەی دانانی قەییوم بۆ شارەوانیی ئەسەنیورتی ئیستەنبووڵ، شارەوانیی شارۆچکەی پلووری دێرسم و دوورخستنەوەی سەرۆکی شارەوانیی بێشیکتاش کۆدەبێتەوە.

 

سەرۆک و بەرپرسانی جەهەپە دەڵێن، لە کۆبوونەوەکەدا گفتوگۆ لەبارەی هەنگاوەکانیان لە بەرامبەر حکومەت دەکەن. 

 

دوای دەستبەسەرکردن و دوورخستنەوەی رەزا ئاکپۆلات، سەرۆکی شارەوانیی شارۆچکەی بێشیکتاش لە ئیستەنبووڵ، ئۆزگور ئۆزەل رایگەیاند: "دەسەڵات جەنگی راگەیاندووە و ئێمەش جەنگ رادەگەیێنین. لەمەودوا بەو زمانە دەدوێم کە لێی تێدەگەن".

 

شەوی رابردوو، عەلی ماهیر باشاریر، بریکاری سەرۆکی فراکسیۆنی جەهەپە، سەرۆکایەتیی کۆبوونەوەی فراکسیۆنی پارتەکەی لە ئیستەنبووڵ کرد و دواتر بۆ میدیاکان دوا. 

 

عەلی ماهیر باشاریر رایگەیاند، دەسەڵات دژایەتیی جەهەپە دەکات.