پەرلەمانتارێكی جەهەپە: تەنیا ئێمە دەتوانین کێشەی کورد لە تورکیا چارەسەر بکەین

 

ئونال چەڤیکۆز، پەرلەمانتاری جەهەپە و باڵیۆزی پێشووتری تورکیا لە بەغدا و لەندەن، لە واشنتن دی سی لەبارەی کێشەکانی جەهەپە لەگەڵ ئاکپارتی، هەڵبژاردنی داهاتووی وڵاتەکە، پرسی کورد لە تورکیا و ئەگەری هێرشی تورکیا بۆسەر رۆژئاوای کوردستان و چەند پرسێکی دیکە قسەی بۆ دیار کوردە، پەیامنێری رووداو کرد.

 

لەبارەی پرسی کورد لە تورکیا، ئونال چەڤیکۆز رایگەیاند، "ئەگەر کێشەیەکی کورد هەبێت، هەروەها ئەگەر پرسێکی کورد لە تورکیا هەبێت، تاکە پارتی سیاسی کە بتوانێت ئەو کێشەیە چارەسەر بکات، پارتی جەهەپەیە، دڵنیاشم لەوەی کە کاری لەسەر دەکەین و سەرکەوتووش دەبین، بەڵام پێویستە چاوەڕێی ئەنجامەکانی هەڵبژاردن بکەین."

 

ئەو پەرلەمانتارەی جەهەپە لەبارەی هەڵبژاردنی داهاتووی وڵاتەکەیشەوە باسی لەوە کرد، "بە سەختی" کار بۆ ئەوە دەکەن کە هەڵبژاردنەکە لە ئاکپارتی ببەنەوە و گوتی، "ئێمە بە تەواوەتی دڵنیاین لەوەی کە ئەم سیستمەی ئێستا دەگۆڕین."

 

 

 

ئونال چەڤیکۆز: بەڵێ، ئێمە بە تەواوەتی دڵنیاین لەوەی کە ئەم سیستمەی ئێستا دەگۆڕین ئەمەش لە رێگەی هەڵبژاردنێکی دیموکراتیدا، ئاکەپە لە رێگەی هەڵبژاردنێکی دیموکراسی هاتووەتە دەسەڵات و هەروەها لە رێگەی هەڵبژاردنێکی دیموکراسیش دەسەڵات بەجێدەهێڵن و ئێمەش متمانەمان هەیە کە هەڵبژاردنەکە دەبەینەوە و زۆر بە سەختیش کار بۆ ئەمە دەکەین.

 

 

ئونال چەڤیکۆز: هیچ کێشەیەکمان لەگەڵ هەدەپەدا نییە، هەدەپە پارتێکی یاساییە کە بە هەڵبژاردن گەیشتوونەتە پەرلەمانی تورکیا، هەروەها بەرێز کەمال کلچدار ئۆغلۆ بە روونی رایگەیاندووە کە هەدەپە ئەکتەرێکی یاساییە، هاوکات هەرشتێک کە پەیوەندی بە کێشەی کوردەوە هەیە، دەبێت لە رێگەی ئاشتەوایی و لە پەرلەمانی تورکیا چارەسەربکرێت، بۆیەش پێموایە لەم روانگەیەوە هەدەپە هاوشانێکی سیاسییە، هاوشانێکی یاسایشە.

 

 

ئونال چەڤیکۆز: ئەمە پرسێکە تەنیا ئەوکاتە دێتە سەر مێزی گفتوگۆ و نێو ئەجێنداکە کاتێک هەڵبژاردن کرا، پێموانییە ئەم پرسە بەشێک بێت لە پڕۆسەی هەڵبژاردندا، ئەمانە هەموو ئەو پرسانەن کە لەدوای هەڵبژاردنەوە گفتوگۆیان لەوەبارەوە دەکەین.

 

 

ئونال چەڤیکۆز: کەمال کلچدار ئۆغلۆ، سەرۆکی پارتەکەی من بە روونی رایگەیاندووە ئەگەر کێشەیەکی کورد هەبێت، هەروەها ئەگەر پرسێکی کورد لە تورکیا هەبێت، تاکە پارتی سیاسی کە بتوانێت ئەو کێشەیە چارەسەر بکات، پارتی جەهەپەیە، دڵنیاشم لەوەی کە کاری لەسەر دەکەین و سەرکەوتووش دەبین، بەڵام پێویستە چاوەڕێی ئەنجامەکانی هەڵبژاردن بکەین.

 

 

ئونال چەڤیکۆز: ناتوانم هیچ شتێک لەبارەی پەیوەندییەکانی تورکیا و حکومەتی هەرێمی کوردستان بڵێم، بەڵام سەبارەت بە پارتەکەی خۆم، رەنگە لەبیرتان بێت لە مانگی ئەیلوول شاندێکی جەهەپە سەردانی هەولێریان کرد، چووینە لای هەموو پارتە سیاسییەکانی ئێستای نێو حکومەتی هەرێمی کوردستانی عێراق، بەهیچ شێوەیەک هیچ جیاکارییەکمان نەکرد، گفتوگۆمان لەگەڵ پارتی، یەکێتی و هەروەها بزووتنەوەی گۆڕان کرد و هەروەها لەگەڵ پارتە سیاسییەکانی دیکەش وەک پێکهاتەکانی کریستیانەکانیش کۆبووینەوە، بۆیە پێموابێت سەردانێکی زۆر سەرکەوتووبوو، ئەوەی کە گرنگیشە پەیوەندییەکانی جەهەپە باشە لەگەڵ هەموو کورد و دراوسێکانمان کە لە باشووری وڵاتەکەماندا دەژین.

 

 

ئونال چەڤیکۆز: خۆت دەزانی، ساڵی رابروو کە دوایین پڕۆژەیاسا لەبارەی درێژکردنەوەی مانەوەی هێزی سەربازی تورکیا هاتە پەرلەمان، جەهەپە لە دژی دەنگیدا، پێشموایە ئەمەش ئاماژەیەکە کە جیاوازییەک لە بۆچوون لەنێوان ئاکەپە و جەهەپەدا لەو رووەوە هەیە.