تەندروستیی یەکێک لە بریندارەکان ناجێگیرە
رووداو دیجیتاڵ
لە شەڕی نێوان دوو گرووپدا لە شاری ئیستەنبووڵ، چوار کەس بریندار بوون، کە تەندروستیی یەکێکیان ناجێگرە، تیمەکانی پۆلیس بەدوای تۆمەتبارە هەڵاتووەکاندا دەگەڕێن.
رووداوەکە کاژێر 22:00ـی شەوی چوارشەممە، 16ـی تشرینی یەکەم لە گەڕەکی عاشق وەیسەل لە ناوچەی ئاتاشەهیر روویدا.
بە هۆکارێكی نادیار، دەمەقاڵی لە نێوان دوو گرووپدا روویداوە، دواتر شەڕە تەقە لەنێوانیاندا روویدا.
لە کاتی شەڕەکەدا چوار کەس کە بە دەمانچە لە شوێنە جیاجیاکان تەقەیان لێکرا، بریندار بوون. تەندروستیی یەکێک لە بریندارەکان ناجێگرە.
بەهۆی شەڕەکەوە شوێنکارێک زیانی بەرکەوتووە و تەقەکەرەکان دوای رووداوەکە هەڵاتوون.
پۆلیس و تیمە پزیشکییەکان رەوانەی شوێنی رووداوەکە کران و بریندارەکان گوێزرانەوە نەخۆشخانە.
تیمەکانی پۆلیس شەقامەکەیان داخست و دەستیان بە لێکۆڵینەوە کرد، ئۆپەراسیۆنێکیان بۆ دەستگیرکردنی تۆمەتبارە هەڵاتووەکان دەستپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ