رووداو دیجیتاڵ
لە پارێزگای تەکیرداغی تورکیا، دوو خوشکی دووانە کە تەمەنیان 15 ساڵ بوو لە ماڵی خۆیاندا بە گوللـە کوژران. پۆلیس لێکۆڵینەوەی دەستپێکردووە.
رووداوەکە کاژێر 13:00ی ئەمڕۆ هەینی 15ی تشرینی دووەمی 2024 لە گوندی جەننەت لە شارۆچکەی مارمارا ئەرەیلیسی سەر بە پارێزگای تەکیرداغی تورکیا روویدا.
لە قوتابخانەوە پەیوەندی بە دایکی (یاغموور ئا) و (کوبرا ئا) کرا و پرسیار لە هۆکاری نەچوونیان بۆ قوتابخانە کرا.
دایکی ئەو دوو کچە لە کارگەیەک کار دەکات و باوکیشی لە پرۆژەیەکی نیشتەجێبوون کرێکارە.
لێکۆڵینەوەکان دەریدەخەن کە یاغموور لە رووداوی تەقەکردنەکەدا دەستبەجێ کوژراوە؛ کوبراش بە سەختی بریندار بووە و گوێزراوەتەوە نەخۆشخانە، بەڵام لەوێ گیانی لەدەستداوە.
پۆلیس رایگەیاند، هەردوو خوشکەکە بە دەمانچە کوژراون، بەڵام هێشتا لێکۆڵینەوە بەردەوامە.
بە گوێرەی ئامارە نافەرمییەکان، ساڵی رابردوو 3 هەزار و 773 تاوانی کوشتن لە تورکیا و باکووری کوردستان بە چەک کراون کە تێیاندا 2 هەزار و 318 کەس کوژراون و 3 هەزار و 820 کەسی دیکە برینداربوون.
ئامارە نافەرمییەکان باس لەوە دەکەن، لە سەرانسەری تورکیادا 4 ملیۆن چەکی مۆڵەتدراو و 36 ملیۆن چەکی بێ مۆڵەت هەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ