لە ئیزمیر دوای دەرمانڕێژکردنی باڵەخانەیەک، منداڵێک گیانی لەدەست دا

 

 

رووداوەکە لە یەکێک لە بیناکانی گەڕەکی کاهرامانڵار لە شارۆچکەی کۆناک روویداوە. 

 

بەگوێرەی راگەیێندراوێک کە لە لایەن پارێزگای ئیزمیر بڵاوکراوەتەوە، دوای ئەوەی رۆژی 12ـی تشرینی دووەمی 2024 باڵەخانەیەک لەسەر داوای دانیشتووانەکەی دەرمانڕێژ کرا، دوو رۆژ دواتر ژمارەیەک لە دانیشتووانی باڵەخانەکە کە لە دوای رشاندنەکە نەخۆش کەوتوون، پەیوەندییان بە هێڵی گەرمی فریاگوزاری 112 کردووە.

 

لە راگەیێندراوەکەدا هاتووە: "منداڵێکی کوڕی تەمەن یەک ساڵ بەناوی "ت. ئا. ک" بەهۆی ژەهراویبوونەوە گیانی لەدەستداوە. دایک و باوکی منداڵەکە کە تووشی رشانەوە هاتوون، دوای وەرگرتنی چارەسەر نەخۆشخانەیان جێهێشتووە، هەروەها کەسێکی دیکە بە ناوی "گ. ئو" هێشتا لە نەخۆشخانەیە و چارەسەر وەردەگرێت".

 

دوای ئەو رووداوە، باڵەخانە و باڵەخانەکەی تەنیشتی چۆڵکراون. قایمقامیەتی ئیزمیر پەناگەی کاتی بۆ دانیشتووانی باڵەخانەکان دابین کردووە.

 

لە چوارچێوەی لێکۆڵینەوەکان لە رووداوەکە، سێ کارمەندی ئەو کۆمپانیایە دەستبەسەرکران، کە باڵەخانەکەیان دەرمانڕێژ کردووە.

 

تیمێکی ئافاد دەستیان بە پاککردنەوەی باڵەخانەکە کردووە، لێکۆڵینەوەی لایەنە پەیوەندیدارەکانیش لە بارەی رووداوەکە دەستیپێکردووە.