رووداو دیجیتاڵ
لە کەناراوی قەزای چەشمە لە پارێزگای ئیزمیری رۆژئاوای توركیا، 78 کۆچبەری نایاسایی رزگارکران کە هەشتیان منداڵ بوون.
رۆژی 11ـی تەممووزی 2024، فەرماندەیی ئاسایشی کەناراوەکانی تورکیا راگەیێندراوێکی بڵاوکردەوە و باس لەوە دەکات، لە سنوورە ئاوییەکانی دەریای ئیجە لە کەناراوی قەزای چەشمە لە پارێزگای ئیزمیر، 78 کۆچبەری نایاساییان رزگارکردووە کە هەشتیان منداڵ بوون.
بەپێی راگەیێندراوەکە، دوای گەیشتنی هەواڵی بوونی دوو بەلەم لە کەناراوی قەزای چەشمە، تیمەکانی ئاسایشی کەناراوەکان رەوانەی ناوچەکە کران.
تیمەکان 78 کۆچبەری نایاساییان رزگارکرد کە لەلایەن هێزە ئەمنییەکانی یۆنانەوە بەزۆر نێردرابوونەوە سنوورە ئاوییەکانی تورکیا.
فەرماندەیی ئاسایشی کەناراوەکانی تورکیا دەشڵێت: "دوای گرتنەبەری رێکارە یاساییەکان و ئەنجامدانی پشکنینی تەندروستیی بۆیان، کۆچبەرەکان رادەستی بەڕێوبەرایەتی کۆچ و کۆچبەرانی پارێزگای ئیزمیر کران."
رۆژی 13ـی تشرینی دووەمی 2023، لە کەناراوەکانی پارێزگای ئیزمیر بەلەمێکی کۆچبەران بەهۆی زریانەوە ژێرئاوکەوت، حەوت کۆچبەر رزگارکران و پێنج کۆچبەریش گیانیان لەدەستدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ