رووداو دیجیتاڵ
لە شارۆچکەی دووتاخی سەر بە پارێزگای ئاگریی باکووری کوردستان لافاو دروستبوو و زیانی بە ماڵ و موڵکی هاونیشتمانیان گەیاند.
دوێنێ سێشەممە 09-07-2024 باران لە چەند ناوچەیەکی پارێزگای ئاگری باری و ئەوەش بووە هۆی دروستبوونی لافاو لە حەوت گوندی سنووری شارۆچکەی دووتاخ.
لافاوەکە بە شێوەیەکی لەناکاو و خێرا دروستبوو و زیانی بە ماڵ و موڵکی هاونیشتمانیان گەیاند.
تیمێکی تایبەتی بەڕێوەبەرایەتیی کشتوکاڵی شارۆچکەی دووتاخ دەستیان بە تۆمارکردنی زیانەکانی لافاوەکە کردووە.
بەگوێرەی راپۆرتی تیمی بەرێوەبەرایەتیی کشتوکاڵی دووتاخ، لافاوەکە ژمارەیەک ئاژەڵی بردووە.
هەروەها لافاو لە پارێزگاکانی ئەرزەڕۆم، دیلۆک، خارپێت و قەرس دروستبوو و زیان بە ماڵ و موڵکی هاونیشتمانیان کەوت.
لە پارێزگای ئۆردوی تورکیاش لافاو دروستبوو و بەهۆیەوە ژنێکی تەمەن 83 ساڵ گیانی لەدەستدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ