رووداو دیجیتاڵ
دەمەقاڵێی چەند خزمێک لەسەر دابەشکردنی میرات لە نووسینگەیەکی پارێزەرانی ئیستەنبووڵ شەڕی لێکەوتەوە و لە ئاکامدا سێ کەس کوژران و دووی دیکەش برینداربوون.
رووداوەکە لە نووسینگەیەکی پارێزەریی ناوچەی کارتاڵی ئیستەنبووڵ روویدا. بەپێی گوتەی شایەتحاڵان ئەو خزمانە نەگەیشتوونەتە سازان لەسەر دابەشکردنی ئەو میراتەی بۆیان ماوەتەوە و دەمەقاڵێ لە نێوانیاندا دروستبووە.
سەرەنجام ئەحمەد ساڵح کە لە پارێزگای یاڵۆڤا موختارە، دەمانچەی دەرهێناوە و تەقەی لە 5 خزمی خۆی کردووە. لە ئاکامدا 3 لەو خزمانەی کە دووانیان ژنن، دەستبەجێ گیانیان لەدەستداوە و دووانەکەی دیکەش گەیێنراونەتەوە نەخۆشخانە.
ئەحمەد ساڵحی تەقەکەر کە تەمەنی 61 ساڵە، رایکردووە و خۆی گەیاندووەتە یاڵۆڤا، بەڵام بەر لەوەی بگاتەوە ماڵەکەی لەلایەن پۆلیسەوە قۆڵبەستکرا و ئەو دەمانچەیەش کە تەقەی پێکردووە لەلایەن پۆلیسەوە دەستی بەسەرداگیرا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ